રાજકોટ સહિત સમગ્ર સૌરાષ્ટ્ર કચ્છના લઘુતમ તાપમાનમાં સામાન્યથી બે ડિગ્રી જેટલો વધારો થયો છે અને ઠંડીએ પારોઠના પગલાં ભરવાનું શરૂ કર્યું હોય તેમ જણાય છે. જોકે આશ્ચર્યજનક રીતે જુનાગઢ શહેર અને ગિરનાર પર્વત ઉપર ઠંડીનું પ્રમાણ વધુ રહ્યું છે. ગિરનાર પર્વત પર આજનું લઘુતમ તાપમાન 7.2 ડિગ્રી નોંધાયું છે. જૂનાગઢમાં 12.2 અને ભવનાથ તળેટીમાં 10.2 ડિગ્રી લઘુતમ તાપમાન રહ્યું છે. ગિરનાર પર્વત સિવાય સમગ્ર રાજ્યમાં ક્યાંય લઘુત્તમ તાપમાનનો પારો સિંગલ ડિઝિટમાં નોંધાયો નથી. ગઈકાલે નલિયામાં લઘુતમ તાપમાન 10 ડિગ્રી હતું તે આજે વધીને 11.2 ડિગ્રી થઈ ગયું છે. રાજકોટમાં આજનું લઘુતમ તાપમાન 13.6 ડિગ્રી નોંધાયું છે.

જે ગઈકાલે તેર ડિગ્રી હતું. પોરબંદરમાં ગઈકાલે 12.8 અને આજે 14 ડીગ્રી, અમરેલીમાં ગઈકાલે 12.7 અને આજે 14.6 ડિગ્રી લઘુતમ તાપમાન રહ્યું છે. ભાવનગરમાં 17.1 કંડલામાં 16.7 અને વેરાવળમાં 18.3 ડિગ્રી આજે લઘુતમ તાપમાન રહ્યું છે.