જામનગર જિલ્લાના કાલાવડ ટાઉનમાં રહેતા મોચી જ્ઞાતિના એક યુવાને પોતાના ઘેર આર્થિક સંકળામણ થી તંગ આવી જઈ ગળાફાંસા દ્વારા આત્મહત્યા કરી લીધી છે. જે મામલે કાલાવડ પોલીસ તપાસ ચલાવે છે.

આ બનાવની વિગત એવી છે કે કાલાવડમાં ખત્રી શેરીમાં રહેતા અને પ્રાઇવેટ નોકરી કરતા વિશાલ પ્રવીણભાઈ પરમાર નામના ૨૯ વર્ષના મોચી જ્ઞાતિના યુવાને ગઈકાલે પોતાના ઘેર છતના હુકમાં દોરી બાંધી ગળાફાંસા દ્વારા આત્મહત્યા કરી લીધી હતી.

આ બનાવ અંગે મૃતકના પિતા પ્રવીણભાઈ ડાયાભાઈ પરમારે પોલીસને જાણ કરતાં કાલાવડ ટાઉન પોલીસે બનાવના સ્થળે પહોંચી જઈ, મૃતદેહ નો કબજો સંભાળ્યો છે, અને વધુ તપાસ હાથ ધરી છે.

પોલીસ પૂછપરછ દરમિયાન મૃતક યુવાન આર્થિક ખેંચ અનુભવતો હતો, જેના કારણે જિંદગીથી કંટાળી જઈ આ પગલું ભરી લીધું હોવાનું પોલીસ સમક્ષ જણાવાયું છે.