ઋતુ પ્રમાણે કપડાંની સ્ટાઇલ પણ બદલાતી રહે છે. ઉનાળામાં, એવા કપડાં પહેરવા જોઈએ જેમાં સુંદર અને સ્ટાઇલિશ દેખાશો અને સાથે સાથે આરામદાયક પણ અનુભવો. આવી સ્થિતિમાં, ઉનાળાની ઋતુમાં યોગ્ય ફેબ્રિક પસંદ કરવું ખૂબ જ મહત્વપૂર્ણ છે, જેમાં કમ્ફર્ટેબલ ફીલ થવું જોઈએ અને આ ઋતુમાં સુતરાઉ કાપડ ખૂબ જ કમ્ફર્ટેબલ રહે છે.

ઉનાળામાં આપણને પરસેવો થવાની સમસ્યા એહે છે, તેથી આ ઋતુમાં આપણે એવું કાપડ પહેરવું જોઈએ જે પરસેવો શોષવામાં મદદ કરે. તેથી, જો ઉનાળા માટે કપડાં ખરીદવાનું વિચારતા હોય તો પહેલા એ જાણવું જોઈએ કે આ ઋતુમાં કયા ફેબ્રિકના કપડાં ખરીદવા વધુ ફાયદાકારક રહેશે.

કોટન

ઉનાળા માટે કોટન ફેબ્રિક બેસ્ટ  છે. એટલા માટે મોટાભાગના લોકો આ ઋતુમાં સુતરાઉ કપડાં પહેરવાનું પસંદ કરે છે. તે હલકું છે, જે કમ્ફર્ટેબલ ફિલિંગ આપે છે. કોટન ઝડપથી પરસેવો શોષી લે છે. ઉનાળાની ઋતુમાં સુતરાઉ કપડાં પહેરવાથી માત્ર આરામ જ નથી મળતો પરંતુ તે ફેશનમાં પણ ખૂબ જ લોકપ્રિય છે. ઉપરાંત, કોટનના કપડા ધોવામાં પણ સરળ છે અને સરળતાથી ઉપલબ્ધ છે. કોટન સુટ, સાડી, ટોપ અને કુર્તી પહેરી શકો છો.

લિનન

ઉનાળા માટે લિનન ફેબ્રિક પણ યોગ્ય રહેશે. કોટનની જેમ લિનન પણ પરસેવો સારી રીતે શોષી લે છે. આ ઉપરાંત, આ કાપડમાંથી બનાવેલા કપડાં સ્ટાઇલ અને એલીગેંટ દેખાવ માટે યોગ્ય રહેશે. લિનન ખૂબ જ ઝડપથી કરચલીવાળું થઈ જાય છે પરંતુ આ ફેબ્રિક ખૂબ જ હલકું અને આરામદાયક છે, તેથી જ લોકો ઉનાળામાં તેને પહેરવાનું પસંદ કરે છે.

રેયોન

રેયોન એક કૃત્રિમ કાપડ છે જે રેશમ જેટલું નરમ હોય છે. કોઈપણ ખાસ દિવસ કે પ્રસંગમાં રેયોનથી બનેલો ડ્રેસ પહેરી શકો છો. આની મદદથી મેક્સી કે વેસ્ટર્ન ડ્રેસ પણ બનાવી શકો છો. ઉનાળાની ઋતુ માટે આ એક સારો વિકલ્પ પણ બની શકે છે.

રેશમ

ઉનાળામાં રેશમી કપડાં પહેરવા એ પણ એક સારો વિકલ્પ છે. ખાસ કરીને જ્યારે કોઈ તહેવાર કે કોઈ કાર્યક્રમમાં જાવ છો, ત્યારે રેશમી કપડાં ટ્રાય કરી શકો છો. જે ક્લાસી લુક આપવામાં મદદ કરશે. તમારી પસંદગીના સિલ્ક સુટ, સાડી અને ડ્રેસ સિલાઈ કરાવી શકો છો. સિલ્ક સાડી હંમેશા ટ્રેન્ડમાં રહે છે.

જ્યોર્જેટ અને શિફોન

ઉનાળા માટે શિફોન અને જ્યોર્જેટ પણ વધુ સારા વિકલ્પ છે. ઉનાળામાં લોકો સાડી, સુટ, કુર્તી, શર્ટ અને જ્યોર્જેટના ડ્રેસ પહેરવાનું પસંદ કરે છે. આ હળવા વજનનું ફેબ્રિક ઉનાળામાં ક્લાસી અને આરામદાયક દેખાવ આપવામાં મદદ કરી શકે છે. આ ફેબ્રિકમાં રેડીમેડ કપડા આરામથી મળી રહે છે.