અમેરિકાના વિદેશ મંત્રી એન્ટની બ્લિંકનની ચીનની ત્રણ દિવસીય મુલાકાત પૂર્ણ થઈ છે. આ સાથે, બ્લિંકને કહ્યું કે તેમના દેશે આગામી યુએસ ચૂંટણીમાં પ્રભાવ અને દખલ કરવાના ચીનના પ્રયાસોના પુરાવા જોયા છે, યારે રાષ્ટ્ર્રપતિ શી જિનપિંગે અગાઉ આવું નહીં કરવાની પ્રતિબદ્ધતા વ્યકત કરી હતી.

બ્લિંકને શુક્રવારે એક ઈન્ટરવ્યુમાં પોતાની ચીનની મુલાકાત વિશે વાત કરી હતી. યુએસ સ્ટેટ સેક્રેટરીએ કહ્યું કે તેમણે ગયા વર્ષે નવેમ્બરમાં સાન ફ્રાન્સિસ્કોમાં તેમની સમિટ દરમિયાન શી જિનપિંગને રાષ્ટ્ર્રપતિ જો બિડેનના સંદેશનું પુનરાવર્તન કયુ હતું. તેમણે ૨૦૨૪ની રાષ્ટ્ર્રપતિની ચૂંટણીમાં હસ્તક્ષેપ ન કરવા વિનંતી કરી હતી. આ પછી ચીને આવું નહીં કરવાનું વચન આપ્યું હતું.

એવું પૂછવામાં આવ્યું કે શું ચીને અત્યાર સુધી તેની પ્રતિબદ્ધતાઓનું ઉલ્લંઘન કયુ છે, બ્લિંકને કહ્યું, અમે ચૂંટણીમાં પ્રભાવ અને દખલ કરવાના પ્રયાસોના પુરાવા જોયા છે અને અમે ખાતરી કરવા માંગીએ છીએ કે શકય તેટલી ઝડપથી તેનો અતં લાવવામાં આવે.
તેમણે કહ્યું, અમે અમારી ચૂંટણીમાં ચીનની દખલ જોઈ રહ્યા છીએ અને તે સંપૂર્ણપણે અસ્વીકાર્ય છે.

બ્લિંકને જણાવ્યું હતું કે ચીનને અધતન કમ્પ્યુટિંગ ચિપ્સ મોકલવા પર પ્રતિબંધનો હેતુ ચીનની અર્થવ્યવસ્થા અથવા તકનીકી વિકાસને દબાવવાનો નથી.યુએસ સરકારે ૨૦૨૨ થી ચીનમાં કેટલીક કમ્પ્યુટિંગ ચિપ્સની નિકાસ પર પ્રતિબધં મૂકયો છે, જેનાથી એડવાન્સ્ડ માઇક્રો ડિવાઇસીસ અને ઇન્ટેલ જેવી કંપનીઓના વેચાણને અસર થશે. આ પગલાને કારણે હ્યુઆવેઇ ટેકનોલોજીસને ચિપ શિપમેન્ટ પર પ્રતિબધં મૂકવામાં આવ્યો. આ પ્રતિબંધો હોવા છતાં, યુએસએ ઇન્ટેલ અને કયુઅલકોમને હ્યુઆવેઇને ચિપ્સ વેચવાની મંજૂરી આપી છે