ચેન્નાઈના એમએ ચિદમ્બરમ સ્ટેડિયમમાં રાજસ્થાન રોયલ્સને 5 વિકેટથી હરાવીને ચેન્નાઈ સુપર કિંગ્સે મહત્વના બે પોઈન્ટ મેળવ્યા છે. આ જીત સાથે ચેન્નાઈ સુપર કિંગ્સ પ્લેઓફની રેસમાં યથાવત છે.

ચેન્નાઈના એમએ ચિદમ્બરમ સ્ટેડિયમમાં રાજસ્થાન રોયલ્સને 5 વિકેટથી હરાવીને ચેન્નાઈ સુપર કિંગ્સે મહત્વના બે પોઈન્ટ મેળવ્યા છે. આ જીત સાથે ચેન્નાઈ સુપર કિંગ્સ પ્લેઓફની રેસમાં યથાવત છે. ચેપોક સ્ટેડિયમમાં રમાઈ રહેલી આ મેચમાં રાજસ્થાન રોયલ્સે પ્રથમ બેટિંગ કરતા 5 વિકેટના નુકસાન પર 141 રન બનાવ્યા હતા. જેના જવાબમાં ચેન્નાઈ સુપર કિંગ્સે 18.2 ઓવરમાં 5 વિકેટ ગુમાવીને 145 રન બનાવ્યા અને મેચ જીતી લીધી.

આ જીત સાથે ચેન્નાઈ સુપર કિંગ્સ પોઈન્ટ ટેબલમાં ત્રીજા સ્થાને આવી ગઈ છે. 13 મેચમાં સાત જીત બાદ તેના 14 પોઈન્ટ છે અને તેનો નેટ રન રેટ +0.528 છે. પ્લેઓફમાં પહોંચવા માટે રાજસ્થાન હજુ વધુ એક જીતની રાહ જોઈ રહ્યું છે. જો કે રાજસ્થાન હજુ પણ બીજા સ્થાને છે. રાજસ્થાનની હજુ બે મેચ બાકી છે. જ્યારે ચેન્નાઈ પાસે માત્ર એક જ મેચ છે. આ જીત સાથે ચેન્નાઈ સુપર કિંગ્સે ચોથા સ્થાન માટે પોતાનો દાવો મજબૂત કરી લીધો છે. ચેન્નાઈ હવે છેલ્લા સ્થાન માટે લખનૌ અને દિલ્હીની સ્પર્ધાનો સામનો કરશે, જેઓ મહત્તમ 16 પોઈન્ટ સુધી પહોંચી શકે છે. આવી સ્થિતિમાં ચેન્નાઈની જીતથી પ્લેઓફની રેસ ઘણી રોમાંચક બની ગઈ છે. જો કે, ચેન્નાઈની જીતે બેંગલુરુની તકોમાં નોંધપાત્ર ઘટાડો કર્યો છે. પરંતુ બેંગલુરુ હજુ પણ રેસમાં છે.