ન્યૂઝીલેન્ડ ચેમ્પિયન્સ ટ્રોફીની ફાઇનલમાં પ્રવેશ કરી ચૂક્યું છે. જ્યાં કિવીઓ 9 માર્ચે દુબઈના મેદાન પર ભારતીય ટીમનો સામનો કરશે. બુધવારે લાહોરમાં રમાયેલી બીજી સેમિફાઇનલમાં ન્યુઝીલેન્ડે દક્ષિણ આફ્રિકાને 50 રનથી હરાવ્યું.

ન્યુઝીલેન્ડ દ્વારા આપવામાં આવેલા 363 રનના લક્ષ્યાંકનો પીછો કરતા આફ્રિકન ટીમ 9 વિકેટે માત્ર 312 રન જ બનાવી શકી. કેપ્ટન મિશેલ સેન્ટનરે 3 વિકેટ લીધી. મેટ હેનરી અને ગ્લેન ફિલિપ્સે 2-2 વિકેટ લીધી. માઈકલ બ્રેસવેલ અને મિશેલ સેન્ટનરને એક-એક વિકેટ મળી. દક્ષિણ આફ્રિકા તરફથી ડેવિડ મિલરે સદી ફટકારી. તેણે 67 બોલમાં સદી ફટકારી. કેપ્ટન ટેમ્બા બાવુમા (56 રન) અને રાસી વાન ડેર ડુસેન (69 રન) એ અડધી સદી ફટકારી હતી.

કિવીઝ માટે રચિન રવિન્દ્ર (108) અને કેન વિલિયમસન (102) એ સદી ફટકારી, જ્યારે ડેરિલ મિશેલ (49) અને ગ્લેન ફિલિપ્સ (49) અડધી સદી ફટકારવામાં નિષ્ફળ રહ્યા. લુંગી ન્ગીડીએ 3 વિકેટ લીધી. રબાડાએ 2 વિકેટ લીધી. વેઇન મુલ્ડરે એક વિકેટ લીધી.