વધી રહેલા વાયુ પ્રદૂષણે ફરી એકવાર દિલ્હી-એનસીઆરનો શ્વાસ અધ્ધર કરી દીધો છે. હવાની ગુણવત્તા ખતરનાક શ્રેણીમાં પહોંચી ગઈ છે. દિલ્હી-એનસીઆરમાં AQI ખતરનાક સ્તરે પહોંચ્યા પછી, કેન્દ્રએ ફરીથી પંજાબ, હરિયાણા અને દિલ્હી સહિત તમામ પડોશી રાજ્યોને પ્રદૂષણ પેદા કરતા સ્ત્રોતોને ઓળખવા અને તાત્કાલિક પગલાં લેવા જણાવ્યું છે.

વધી રહેલા વાયુ પ્રદૂષણે ફરી એકવાર દિલ્હી-એનસીઆરનો શ્વાસ અધ્ધર કરી દીધો છે. હવાની ગુણવત્તા ખતરનાક શ્રેણીમાં પહોંચી ગઈ છે. શુક્રવારે ઘણા વિસ્તારોમાં એર ક્વોલિટી ઈન્ડેક્સ (AQI) પાંચસોથી વધુ નોંધાયો હતો. આ સાથે, આ હવામાં નાઇટ્રોજન ઓક્સાઇડ અને સલ્ફરનો જથ્થો પણ મળી આવ્યો છે, જે માત્ર ઉદ્યોગો અને વાહનોના બળતણને બાળવાથી ઉત્પન્ન થાય છે. જેના કારણે લોકોને આંખોમાં બળતરા અને શ્વાસ લેવામાં તકલીફનો સામનો કરવો પડી રહ્યો છે.

ખાસ વાત એ છે કે આ સમગ્ર સ્થિતિ ત્યારે છે જ્યારે કેન્દ્રએ પહેલાથી જ રાજ્યોને આ ખતરાને લઈને એલર્ટ કરી દીધું હતું. તેમને આવા તમામ સ્ત્રોતોને ઓળખીને તેનો તાત્કાલિક નાશ કરવાની સૂચના પણ આપવામાં આવી હતી. આમ છતાં સ્થિતિ ગંભીર બની છે.