જામનગર નજીક સિકકાના કારાભુંગા વિસ્તારમાં જાહેરમાં તિનપતીનો જુગાર રમતા મહિલા સહિતના 6 પત્તાપ્રેમીઓને રોકડ સાથે અટકાયતમાં લીધા હતા.

સિકકાના કારાભુંગા મંદિર પાસેના રોડ પર જાહેરમાં ગંજીપતા વડે જુગાર રમાતો હોવાની બાતમીના આધારે પોલીસે દરોડો પાડીને તિનપતીનો જુગાર રમતા કારાભુંગાની નિઝામ કોલોનીમાં રહેતા ઉમેદ દિનેશ આયર, સાહીલ મનસુખ મકવાણા, શબીર અબ્દુલ સુભણીયા, રાકેશ ગોરધન વાઘેલા, જયેશ ડાયા રાઠોડ અને મનિષાબેન વિજય ખાણીયાની અટકાયત કરવામાં આવી હતી. સિકકા પોલીસે દરોડા દરમ્યાન 2310ની રોકડ અને ગંજીપતા કબ્જે કરી કાયદેસરની કાર્યવાહી કરી હતી.