દિલ્હીની શાળાઓમાં ફરી એકવાર બોમ્બ મુકાયાની ધમકી મળી છે. આ વખતે એલ્કોન ઇન્ટરનેશનલ સ્કૂલમાં બોમ્બનો કોલ આવ્યો છે. પોલીસ આ મામલાની તપાસ કરી રહી છે અને આખા કેમ્પસની ઝીણવટભરી તપાસ શરુ કરવામાં આવી છે.
દિલ્હીની શાળાઓમાં બોમ્બ ધમકીઓનો સિલસિલો અટકવાના કોઈ સંકેત દેખાઈ રહ્યો નથી. શુક્રવારે ફરી એકવાર દિલ્હી અને નોઈડાની શાળાઓમાં બોમ્બ ધમકીભયર્િ ફોન,ઈમેલ મળવાના સમાચાર છે. આ વખતે, આ મામલો પૂર્વ દિલ્હીની એલ્કોન ઇન્ટરનેશનલ સ્કૂલ અને નોઇડાની શિવ નાદર સ્કૂલ સાથે સંબંધિત છે. એવું કહેવામાં આવી રહ્યું છે કે બોમ્બ વિશે માહિતી ઇમેઇલ દ્વારા આપવામાં આવી હતી.
આ મામલો પ્રકાશમાં આવતાની સાથે જ પોલીસ અને ફાયર વિભાગની ટીમો ઘટનાસ્થળે પહોંચી ગઈ અને સમગ્ર કેમ્પસમાં તપાસ કરી. તપાસ દરમિયાન ટીમને કંઈપણ શંકાસ્પદ મળ્યું નથી. હાલમાં, શાળા મેનેજમેન્ટે બધા બાળકોને ઘરે મોકલી દીધા છે અને સુરક્ષા પ્રોટોકોલ લાગુ કરવામાં આવ્યા છે.
શાળાએ વાલીઓને જાણ કરી
બોમ્બ ધમકી મળ્યા પછી, નોઈડા સ્કૂલે તાત્કાલિક બાળકોના માતાપિતાને મેઇલ દ્વારા જાણ કરી. ઈમેલમાં લખ્યું હતું, પ્રિય માતાપિતા, આજે સવારે મળેલા ઈમેલ ધમકીને કારણે, અમારા વિદ્યાર્થીઓની સલામતીની ચિંતામાં અમને આજે શાળા બંધ રાખવાની ફરજ પડી છે. આ સંદર્ભમાં તમારા ધીરજ અને સહકારની ખૂબ પ્રશંસા કરવામાં આવશે. વધુ સૂચનાઓ અને મંજૂરી માટે સક્ષમ અધિકારીઓનો સંપર્ક કરવામાં આવી રહ્યો છે.
શિવ નાદર સ્કૂલ નોઈડાના સેક્ટર 168માં એક્સપ્રેસવે પોલીસ સ્ટેશન વિસ્તારમાં આવેલી છે, જ્યાં ધમકીભર્યો મેઇલ મળ્યો હતો. શાળા મેનેજમેન્ટે વાલીઓને મેઇલ દ્વારા જાણ કરી છે અને કહ્યું છે કે આજે શાળા બંધ રહેશે, બાળકોને ઘરે રાખો. તે જ સમયે, જે બાળકો શાળાએ આવ્યા હતા તેમને સુરક્ષિત રીતે ઘરે મોકલવામાં આવી રહ્યા છે. પોલીસ અને ફાયર વિભાગની ટીમો ઘટનાસ્થળે પહોંચી ગઈ છે. આ ઉપરાંત ડોગ સ્ક્વોડ પણ તપાસ કરી રહી છે. સીસીટીવી ફૂટેજની સાથે, વર્ગોની પણ તપાસ કરવામાં આવી રહી છે.