પોરબંદરથી ૪૦ નોટીકલ માઇલ દૂર અકસ્માતે માચ્છીમાર સમુદ્રમાં પડી ગયો હતો. જેનો મૃતદેહ મળી આવતા પરિવાર પર વજ્રઘાત થયો છે. 
પોરબંદરના દિલીપ ડાવરીયાએ નવીબંદર મરીન પોલીસમથકમાં એવું જાહેર કર્યુ છે કે મૂળ મહારાષ્ટ્ર અને હાલ સુભાષનગર રહેતો રોહિત સુરેશ પાંચલકર ઉ.વ. ૨૩ તા. ૬-૩ના ‘દેવ મહેશ’નામની ફિશીંગ બોટમાં માચ્છીમારી કરવા માટે નીકળ્યો હતો અને તા. ૨૨-૩ના તેમની બોટ પોરબંદરથી ૪૦ નોટીકલ માઇલ દૂર સમુદ્રમાં હતી ત્યારે અકસ્માતે રોહીત સમુદ્રમાં પડી ગયો હતો અને તેની શોધખોળ કરવામાં આવી હતી પરંતુ અઠવાડીયા સુધી પત્તો મળ્યો ન હતો. ત્યારબાદ તા. ૩૦-૩ના તેનો મૃતદેહ મળી આવતા પોરબંદરની સરકારી ભાવસિંહજી હોસ્પિટલે પી.એમ.ની કાર્યવાહી થઇ હતી અને આગળની તપાસ નવીબંદર મરીન પોલીસ ચલાવી રહી છે.