રસોડાની સફાઈ ત્યાં સુધી પૂરી નથી થતી જ્યાં સુધી તેમાં ગંદા કાળા ગેસ બર્નરને પણ સાફ કરવામાં ન આવે. રસોડાની સફાઈ કરતી વખતે  ઘણીવાર એંઠા વાસણો, સ્લેબ અથવા ટાઇલ્સ પર નજર જાય છે પરંતુ ગેસ બર્નર સામાન્ય રીતે સાફ કરવાનું ભૂલી જાય છે. લાંબા સમય સુધી આ ગેસ બર્નરની અવગણનાને કારણે  તેના છિદ્રોમાં ગંદકી જમા થવા લાગે છે અને તે ગંદકીથી કાળા થવા લાગે છે. જેના કારણે ઘણી વખત ગેસ બર્નરમાંથી આગ યોગ્ય રીતે બહાર આવતી નથી અને ગેસ લીક ​​થવાનું જોખમ રહે છે. સામાન્ય રીતે મહિલાઓને ગેસ બર્નર સાફ કરવામાં ઘણો સમય લાગતો હોય છે પરંતુ આજે આ કિચન ટ્રિકની મદદથી થોડી જ મિનિટોમાં ગેસ બર્નરને નવા જેવું બનાવી શકો છો.

ગંદા ગેસ બર્નરને સાફ કરવા માટે કિચન ટિપ્સ

સરકો​​​​​​​

બર્નરને સાફ કરવા માટે તમે વિનેગરનો પણ ઉપયોગ કરી શકો છો. આ ઉપાય કરવા માટે, સૌ પ્રથમ એક બાઉલમાં વિનેગર અને મીઠું નાખીને મિક્સ કરો અને ઉકાળો. આ પાણીમાં ગંદા ગેસ બર્નર નાંખો અને થોડીવાર માટે રાખો. આ ઉપાય અપનાવવાથી ગંદા બર્નર નવા જેવા ચમકશે.

ENO

ENO  ગેસ બર્નરને સાફ કરવા માટે પણ ખૂબ અસરકારક છે. આ કિચન ટિપને અનુસરવા માટે  ગરમ પાણીનો એક બાઉલ લેવો પડશે.  તેમાં લીંબુ અને ઈનો મિક્સ કરો. આ મિશ્રણને બર્નર પર લગાવો અને થોડીવાર માટે છોડી દો. તે પછી બ્રશની મદદથી સાફ કરો અને  તેને સ્વચ્છ પાણીથી ધોઈ લો અને તેને સૂકા કપડાથી સૂકવી દો.

લીંબુ

ગેસ બર્નરને સાફ કરવા માટે લીંબુ પણ અજમાવી શકાય છે. આ ઉપાયને અનુસરવા માટે એક બાઉલમાં ગરમ ​​પાણી લો અને તેમાં બર્નરને આખી રાત ડૂબાડી દો. બીજા દિવસે સવારે લીંબુની છાલમાં મીઠું નાખીને બર્નરને સાફ કરો. આ કિચન હેક્સને ફોલો કરવાથી ગેસ બર્નર નવા બર્નરની જેમ ચમકવા લાગશે.