એશિયા કપ 2023માં સોમવારે ભારતે રિઝર્વ ડે પર સુપર-4 મેચમાં પાકિસ્તાનને 228 રનથી હરાવ્યું હતું. એશિયા કપ 2023માં ભારતની ત્રણ મેચમાં આ બીજી જીત છે. ભારતે આ પહેલા એશિયા કપ 2023ની ગ્રુપ-A મેચમાં નેપાળને 10 વિકેટ (DLS)ના માર્જીનથી હરાવ્યું હતું.

એશિયા કપ 2023માં સોમવારે ભારતે રિઝર્વ ડે પર સુપર-4 મેચમાં પાકિસ્તાનને 228 રનથી હરાવ્યું હતું. એશિયા કપ 2023માં ભારતની ત્રણ મેચમાં આ બીજી જીત છે. ભારતે આ પહેલા એશિયા કપ 2023ની ગ્રુપ-A મેચમાં નેપાળને 10 વિકેટ (DLS)ના માર્જીનથી હરાવ્યું હતું. આ સિવાય 2 સપ્ટેમ્બરે એશિયા કપ 2023ના ગ્રુપ-Aમાં પાકિસ્તાન સામે ભારતની બીજી મેચ વરસાદને કારણે અનિર્ણિત રહી હતી. ભારતે સુપર-4ની પોતાની પહેલી જ મેચમાં પાકિસ્તાનને હરાવી શાનદાર શરૂઆત કરી છે. હવે ભારતે સુપર-4માં તેની આગામી મેચ આવતીકાલે એટલે કે 12 સપ્ટેમ્બરે શ્રીલંકા સામે રમવાની છે.

પાકિસ્તાન સામે ભારતની સૌથી મોટી જીત

વિરાટ કોહલી અને કેએલ રાહુલની અણનમ સદી બાદ ભારતે કુલદીપ યાદવના સ્પિનના જાદુથી પાકિસ્તાનને હરાવ્યું હતું. પાકિસ્તાન સામે રનના મામલે ભારતની આ સૌથી મોટી જીત છે. ભારતના 357 રનના મોટા લક્ષ્‍યાંકનો પીછો કરતી વખતે લેફ્ટ આર્મ સ્પિનર ​​કુલદીપ (25 રનમાં પાંચ વિકેટ)ના જોરદાર બોલ સામે પાકિસ્તાનની ટીમ 32 ઓવરમાં માત્ર 128 રન જ બનાવી શકી હતી. હારીસ રઉફ અને નસીમ શાહ ઈજાના કારણે બેટિંગ માટે બહાર આવ્યા ન હતા.

સુપર-4 મેચમાં ભારતે PAKને ખરાબ રીતે હરાવ્યું

કોલંબોના આર પ્રેમદાસા સ્ટેડિયમમાં રમાયેલી આ સુપર-4 મેચમાં પાકિસ્તાને ટોસ જીતીને પ્રથમ બોલિંગ કરવાનો નિર્ણય લીધો હતો. જોકે ભારતીય બેટ્સમેનોએ આ નિર્ણયને ખોટો સાબિત કર્યો હતો. ભારતીય બેટ્સમેનોએ શાનદાર બેટિંગ કરીને 50 ઓવરમાં 2 વિકેટે 356 રન બનાવ્યા હતા. જવાબમાં પાકિસ્તાન ટીમનો સ્કોર 32 ઓવરમાં 8 વિકેટે 128 રન હતો ત્યારે ભારતને વિજેતા જાહેર કરવામાં આવ્યું હતું. આવું એટલા માટે થયું કારણ કે ઈજાના કારણે પાકિસ્તાનના બે ખેલાડી નસીમ શાહ અને હરિસ રઉફ બેટિંગ કરવા આવ્યા ન હતા. ભારતે પાકિસ્તાનને 228 રને હરાવ્યું.