રાજકોટ જિલ્લાની પાંચ નગરપાલિકાઓમાં ગઈકાલે સવારે સાત થી સાંજના ૬:૦૦ વાગ્યા સુધી મતદાનની પ્રક્રિયા હાથ ધરવામાં આવી હતી. સૌથી વધુ મતદાન ભાયાવદરની નગરપાલિકામાં ૫૯.૮૬% અને સૌથી ઓછું ધોરાજી નગરપાલિકામાં ૫૧.૩૩% નોંધાયું છે. અન્ય ત્રણ નગરપાલિકાઓની વાત કરીએ તો જસદણમાં ૫૨.૧૪ જેતપુર (નવાગઢ)માં ૫૨.૫૪ અને ઉપલેટામાં ૫૩.૮૮% મતદાન થયું છે. આવતીકાલે આ તમામ પાંચે પાંચ નગરપાલિકાઓમાં મતગણતરી હાથ ધરીને પરિણામ જાહેર કરવામાં આવશે.
સાત વોર્ડની જસદણ નગરપાલિકામાં બે બેઠકો બિનહરીફ થઈ હોવાથી ૨૬ બેઠકો માટે ચૂંટણી યોજવામાં આવી હતી. જેતપુર નવાગઢમાં ૧૧ વોર્ડની ૪૪ બેઠક માટે ધોરાજી નગરપાલિકામાં નવ વોર્ડની ૩૬ બેઠક માટે ભાયાવદર નગરપાલિકામાં છ વોર્ડની ૨૪ બેઠક માટે અને ઉપલેટા નગરપાલિકામાં ૯ વોર્ડની ૩૧ બેઠક માટે ચૂંટણી યોજવામાં આવી હતી. ઉપલેટામાં પાંચ બેઠકો ચૂંટણી પહેલા જ બિન હરીફ જાહેર થઈ ચૂકી હતી.
જસદણમાં પુષોનું ૫૬.૦૫ ક્રીઓનું ૪૮.૦૪,જેતપુર નવાગઢમાં પુષોનું ૫૬.૪૦ ક્રીઓનું ૪૮.૩૯,ધોરાજીમાં પુષોનું ૫૪.૩૦ ક્રીઓનું ૪૮.૨૩,ભાયાવદરમાં પુષોનું ૬૩.૫૧ ક્રીઓનું ૫૫.૯૪ અને ઉપલેટામાં પુષોનું ૫૭.૦૬ અને ક્રીઓનું ૫૦.૫૭ ટકા મતદાન થયું છે. આમ દરેક નગરપાલિકા વિસ્તારમાં પુષો કરતાં ક્રીઓનું મતદાન પ્રમાણમાં ચારથી આઠ ટકા જેટલું ઓછું રહ્યું છે