શહેરના યુનિવર્સિટી રોડ પર આવેલા આશિવર્દિ એપાર્ટમેન્ટમાં આવેલી ગેલકસી પાનની દૂકાનમાંથી એસઓજીની ટીમે પ્રતિબંધિત વેપ સીગારેટ ઝડપી લીધી હતી.આ મામલે પોલીસે દૂકાનદાર સામે ગુનો નોંધી કાયદેસરની કાર્યવાહી કરી હતી.

જાણવા મળતી વિગતો મુજબ,એસઓજીની ટીમે ચેકિંગ દરમિયાન શહેરના યુનિવર્સિટી રોડ પર આવેલા આશિવર્દિ એપાર્ટમેન્ટમાં આવેલી ગેલકસી પાન નામની દૂકાનમાં તપાસ કરતા અહીંથી પ્રતિબંધિત વેપ સીગારેટ મળી આવી હતી.જેથી પોલીસે રૂ.6 હજારની કિંમતની 3 સીગારેટ કબજે કરી વેપારી તેજસ પ્રભુદાસભાઇ ચંદારાણા(ઉ.વ 41 રહે. 501 સિટી સેરેનીટી આલાપ ગ્રીન સિટી પાછળ રૈયા રોડ) સામે ધી સીગારેટ અને બીજી તમાકુ અધિનિયમ 2003 ની કલમ 7(2),20 મુજબ ગુનો નોંધી કાયદેસરની કાર્યવાહી કરી હતી.
પોલીસ સૂત્રોમાંથી મળેલી વિગતો મુજબ પોલીસે કબજે કરેલી વેપ સીગારેટ ચાઇનીસ બનાવટની સીગારેટ છે.તેના એક કસમાં સામાન્ય સીગારેટ કરતા 10 ગણો વધુ નશો થતો હોય છે.પણ સાથોસાથ આ સીગારેટ સ્વાસ્થય માટે એટલી જ હાનીકારક હોય છે.માટે સરકાર દ્વારા તેના પર પ્રતિબંધ મુકવામાં આવ્યો છે.પણ છતાં કેટલાક ધંધાર્થી વધુ નફાની લાલચમાં આ સીગારેટનું વેચાણ કરતા હોય છે.