ભારતીય રિઝર્વ બેંકએ આઈઆઈએફએલ ફાયનાન્સને નવી ગોલ્ડ લોનનું વિતરણ ન કરવાનો નિર્દેશ આપ્યો છે. જોકે, આ નિર્ણયથી જૂના ગ્રાહકો પર કોઈ અસર નહીં થાય તેવી ખાતરી આપવામાં આવી છે. પેટીએમ બાદ રિઝર્વ બેંકએ આઈઆઈએફએલ ફાયનાન્સ સામે કડક કાર્યવાહી કરી છે.
ભારતીય રિઝર્વ બેંક એ આઈઆઈએફએલ ફાયનાન્સ સામે વધુ એક કડક કાર્યવાહી કરી છે. આરબીઆઈએ આઈઆઈએફએલ ફાઈનાન્સ પર ગોલ્ડ લોનનું વિતરણ કરવા પર પ્રતિબંધ મૂક્યો છે. સેન્ટ્રલ બેંકે મટીરીયલ સુપરવાઇઝરી ચિંતાઓને કારણે આ કાર્યવાહી કરી છે. જો કે, કંપ્ની તેના હાલના ગોલ્ડ લોન પોર્ટફોલિયોને સેવા આપવાનું ચાલુ રાખશે. આરબીઆઈએ કહ્યું કે સ્પેશિયલ ઓડિટ પછી સંતોષકારક પરિણામ આવે તો આઈઆઈએફએલ ફાયનાન્સને રાહત મળી શકે છે. પેટીએમ પેમેન્ટ્સ બેંક પછી એક મહિનામાં આરબીઆઈની આ બીજી મોટી કાર્યવાહી છે.
ગ્રાહકો પર નકારાત્મક અસર પડી શકે છે.

આરબીઆઈએ કહ્યું કે આ તમામ પદ્ધતિઓ આઈઆઈએફએલ ફાયનાન્સના ગ્રાહકોના હિતોને અસર કરી રહી છે. છેલ્લા કેટલાક મહિનાઓથી આરબીઆઈ કંપ્નીના અધિકારીઓ સાથે મળીને આ ખામીઓને દૂર કરવાનો પ્રયાસ કરી રહી હતી. પરંતુ, જ્યારે સુધારાના પરિણામો સારા ન હતા ત્યારે સેન્ટ્રલ બેંકે આ કડક પગલું ભરવું પડ્યું હતું. જો આમ કરવામાં નહીં આવે તો ગ્રાહકોને વિપરીત અસર થઈ શકે છે.

આરબીઆઈએ તપાસ કરી

31 માર્ચ, 2023 ના રોજ આરબીઆઈ દ્વારા તેની નાણાકીય સ્થિતિના આધારે આઈઆઈએફએલ ફાયનાન્સનું નિરીક્ષણ કરવામાં આવ્યું હતું, જે પછી આ બધી ગેરરીતિઓ પ્રકાશમાં આવી હતી. આ પછી રેગ્યુલેટર દ્વારા કંપ્ની વિરુદ્ધ કાર્યવાહી કરવામાં આવી છે.

કંપ્નીએ કોઈ પગલાં લીધાં નથી
આરબીઆઈ દ્વારા જારી કરાયેલા પત્રમાં કહેવામાં આવ્યું હતું કે કંપ્ની દ્વારા નિયમોની અવગણના કરવી ગ્રાહકોના હિતમાં નથી. આ માટે આરબીઆઈ વરિષ્ઠ મેનેજમેન્ટ સાથે વાતચીત કરી રહી હતી. પરંતુ તેમની તરફથી કોઈ યોગ્ય પગલાં લેવામાં આવ્યા ન હતા, જેના કારણે કંપ્ની પર બિઝનેસને લઈને નિયંત્રણો લાદવામાં આવ્યા છે. અગાઉ રીઝર્વ બેંક દ્વારા નિયમોનું પાલન ન કરવા બદલ પેટીએમ પેમેન્ટ બેંક સામે કાર્યવાહી કરવામાં આવી હતી અને કંપ્ની દ્વારા 15 માર્ચ, 2024થી તમામ સેવાઓ બંધ કરવાનો આદેશ આપવામાં આવ્યો છે.