સ્થાનીક સ્વરાયની ચૂંટણીમાં આજે ફોર્મ ભરવાનો અંતિમ દિવસ છે. ત્યારે આજે વહેલી સવારે ભારતીય જનતા પાર્ટીએ સ્થાનિક ઉમેદવારોના નામની પીડીએફ મારફત જાણ કરતા ટીકીટની ફાળવણીમાં પ્રદેશના નિયમોનો ખુલ્લ ે આમ ઉલાળીયો કરી વફાદારોની બાદબાકી, સગાવાદને સ્થાન આપી ઉમેદવારોની પસંદગી કરવામાં આવી હોવાનું કાર્યકરોમાં ચર્ચાઇ રહ્યું છે. સમગ્ર શહેર માટે આંચકારૂપ નિર્ણય હો તો તે વોર્ડ નં.૩માં જાડેજા પરિવારની ટીકીટ કપાતા એના ઘેરા પડઘા પડયા છે અને નવાજુનીના અેંધાણ વર્તાઇ રહ્યા છે.
ભારતીય જનતા પાર્ટી દ્રારા ગઇકાલે અંતિમ યાદી આવી ગઇ હોવા છતાં અમુકને સમાવવા અને સંનિ  કાર્યકરોને બાદબાકી કરવા મોડી રાત્રી સુધી ઉમેદવારોની યાદી જાહેર કરી નહોતી. માત્ર ઉમેદવારોને ટેલિફોનિક જાણ કરી દેવામાં આવી હતી. આજે સવારે અમુક લાગતા વળગતા આગેવાનોને પીડીએફ ફાઇલ મોકલી જાણ કરવામાં આવી હતી