આજે BCCI IPL રીટેન્શન પોલિસીના નિયમો બહાર પાડી શકે છે. અત્યાર સુધી IPL રિટેન્શન પોલિસીના નિયમોને લઈને સતત અટકળો થઈ રહી છે પરંતુ આજે BCCI તમામ જરૂરી નિયમો અને માર્ગદર્શિકા જારી કરી શકે છે. અગાઉ IPL ટીમના માલિકો 31 જુલાઈના રોજ મળ્યા હતા. આ દરમિયાન IPL માલિકો વચ્ચે રિટેન્શન પોલિસીના નિયમો પર ચર્ચા કરવામાં આવી હતી. ટીમના માલિકોએ પણ રીટેન્શન પોલિસીના નિયમો અંગે તેમના મંતવ્યો રજૂ કર્યા હતા.

IPL રિટેન્શન પોલિસીના સંભવિત નિયમો

આ પછી બીસીસીઆઈએ નિર્ણય લીધો કે આઈપીએલ રિટેન્શન પોલિસીના નિયમો સપ્ટેમ્બરના અંતિમ દિવસોમાં જાહેર કરવામાં આવશે. BCCIની વાર્ષિક બેઠક 29 સપ્ટેમ્બરના રોજ પ્રસ્તાવિત છે પરંતુ આજે BCCI IPL રિટેન્શન પોલિસીના નિયમો જાહેર કરશે. આઇપીએલ હરાજી 2025 નવેમ્બર અથવા ડિસેમ્બર મહિનામાં યોજવામાં આવશે. માનવામાં આવી રહ્યું છે કે આઈપીએલની ટીમો કુલ 5 ખેલાડીઓને રિટેન કરી શકશે. જેમાં 3 ભારતીય ખેલાડીઓ હશે, જ્યારે 2 વિદેશી ખેલાડીઓ સામેલ થશે.

અનકેપ્ડ પ્લેયર્સ અને RTM પર BCCIનું શું વલણ છે?

અનકેપ્ડ પ્લેયર્સ માટે શું નિયમો હશે તે હજુ સ્પષ્ટ નથી  પરંતુ એવું માનવામાં આવે છે કે રિટેન કરાયેલા ખેલાડીઓમાં 2 અનકેપ્ડ ખેલાડીઓ હશે. મીડિયા રિપોર્ટ્સ અનુસાર, BCCI RTM પર અંતિમ નિર્ણય લઈ શક્યું નથી પરંતુ એવું માનવામાં આવે છે કે જો ટીમોને 4-5 ખેલાડીઓને રિટેન કરવાની મંજૂરી આપવામાં આવે તો RTM પરત કરવું શક્ય નથી. આ પહેલા RTM IPL ઓક્શન 2018માં છેલ્લી હતી પરંતુ તે પછી RTM હટાવી દેવામાં આવી હતી. જોકે  BCCI ટૂંક સમયમાં RTM પર મોટો નિર્ણય લઈ શકે છે.