૧૩ જાન્યુઆરીથી પ્રયાગરાજમાં શ થનારા મહાકુંભમાં સંતો અને ભકતો સાથે ઘણી અબજોપતિ મહિલાઓ ભાગ લેશે. આમાં એપલના સહ–સ્થાપક સ્ટીવ જોબ્સની પત્ની લોરેન પોવેલ, ઇન્ફોસિસ ફાઉન્ડેશનના અધ્યક્ષ સુધા મૂર્તિ અને જિંદાલ ગ્રુપના અધ્યક્ષ સાવિત્રી જિંદાલનો સમાવેશ થાય છે. ભાજપના સાંસદ અને અભિનેત્રી હેમા માલિની પણ મહાકુંભમાં પહોંચશે. સ્ટીવ જોબ્સના મૃત્યુ પછી વારસામાં મળેલી ૨૫ બિલિયન ડોલરની સંપત્તિના માલિક લોરેન પોવેલ ૧૩ જાન્યુઆરીએ પ્રયાગરાજ પહોંચશે. પોષ પૂર્ણિમાના દિવસે પ્રથમ ડૂબકી લગાવીને તે સંગમની રેતી પર 'કલ્પવાસ' પણ કરશે. નિરંજની અખાડાના આચાર્ય મહામંડલેશ્વર સ્વામી કૈલાશાનંદના શિબિરમાં તેમના રહેવાની વ્યવસ્થા કરવામાં આવી છે. તે ૧૯ જાન્યુઆરીથી શિબિરમાં શ થતી કથાની પ્રથમ યજમાન હશે. લોરેન પોવેલ ૨૯ જાન્યુઆરી સુધી શિબિરમાં સનાતન ધર્મને સમજશે. અમેરિકામાં જો બાઈડેન અને કમલા હેરિસના રાજકીય અને સામાજિક અભિયાનોમાં ભાગ લઈ ચૂકેલી લોરેન ધાર્મિક ઉપદેશોમાં પણ ભાગ લેશે.
સુધામૂર્તિ પણ મહાકુંભ દરમિયાન ગંગા, યમુના અને સરસ્વતી નદીઓના સંગમ પર ડૂબકી લગાવશે. તેમના માટે ઉલ્ટા કિલ્લા પાસે કોટેજ તૈયાર કરવામાં આવી રહ્યા છે. સાવિત્રી દેવી જિંદાલ માટે સ્વામી અવધેશાનદં અને ચિદાનદં મુનિના શિબિરોમાં રહેવાની વ્યવસ્થા કરવામાં આવી છે. હેમા માલિની જુના અખાડાના આચાર્ય મહામંડલેશ્વર સ્વામી અવધેશાનદં ગિરીના શિબિરમાં રહેશે. તે પણ સંગમમાં ડૂબકી લગાવશે.
કલ્પવાસ એ મહાકુંભમાં ૩૦ દિવસની એક ખાસ સાધના છે. એવું માનવામાં આવે છે કે આ મન અને શરીરને તાજગી આપે છે. કલ્પવાસ કરનારાઓએ ઘણા નિયમોનું પાલન કરવું પડે છે. આમાં સત્ય બોલવું, અહિંસા, ઇન્દ્રિયો પર નિયંત્રણ, જીવો પ્રત્યે કણા, બ્રહ્મચર્ય, વ્યસનો છોડવા, બ્રહ્મ મુહર્ત દરમિયાન જાગવું, દિવસમાં ત્રણ વખત પવિત્ર નદીમાં સ્નાન કરવું, સંતો અને ઋષિઓની સેવા કરવી, જાપ કરવા અને દિવસમાં એક વખત ભોજન કરવાનો સમાવેશ થાય છે.