કેનેડામાં લોકપ્રિયતા ઘટવાના ડરથી રાજકીય રીતે અસ્તિત્વની લડાઈ લડી રહેલા વડા પ્રધાન જસ્ટિન ટ્રુડોએ જાહેરાત કરી છે કે તેમની સરકાર દેશમાં કામચલાઉ વિદેશી કામદારોની સંખ્યામાં ઘટાડો કરવા જઈ રહી છે. આનો અમલ કરવા માટે કેનેડા સરકાર કંપ્નીઓ સામે કડક કાર્યવાહી કરશે. આ નિર્ણયથી કેનેડામાં પહેલાથી જ સમસ્યાઓનો સામનો કરી રહેલા ભારતીય ઈમિગ્રન્ટ્સની મુશ્કેલીઓમાં વધારો થવા જઈ રહ્યો છે.
કેનેડાના વડાપ્રધાન જસ્ટિન ટ્રુડોની વિદેશી કામદારોની સંખ્યા ઘટાડવાની જાહેરાતે ભારતીય ઈમિગ્રન્ટ્સ માટે મુશ્કેલી ઊભી કરી છે. અમે કેનેડામાં કામચલાઉ વિદેશી કામદારોની સંખ્યા ઘટાડવા જઈ રહ્યા છીએ, કેનેડાના વડા પ્રધાને ટ્વિટર પર એક પોસ્ટમાં લખ્યું. અમે કંપ્નીઓ માટે કઠિન નિયમો રજૂ કરી રહ્યા છીએ તે સાબિત કરવા માટે કે તેઓ શા માટે કેનેડિયન કામદારોને પ્રથમ સ્થાને રાખી શકતા નથી. કેનેડામાં ભારતીય કામદારો અને વિદ્યાર્થીઓ ખૂબ જ મર્યિદિત પ્લેસમેન્ટને કારણે પહેલેથી જ સમસ્યાઓનો સામનો કરી રહ્યા છે. આવી સ્થિતિમાં ટ્રુડોનું આ પગલું પરિસ્થિતિને વધુ મુશ્કેલ બનાવશે.

કામચલાઉ રહેવાસીઓની સંખ્યા 2025માં 30,000 ઘટાડવાનો નિર્ણય
કેનેડામાં જસ્ટિન ટ્રુડોની લિબરલ સરકાર ઘણા વર્ષોમાં પ્રથમ વખત દેશમાં આવતા ઇમિગ્રન્ટ્સની સંખ્યામાં ભારે ઘટાડો કરવા જઈ રહી છે. એક અહેવાલમાં જણાવવવામાં આવ્યું છે કે ટ્રુડો સરકારે વર્ષ 2025માં નવા સ્થાયી રહેવાસીઓની સંખ્યા ઘટાડીને 3,95,000 કરવાનો નિર્ણય લીધો છે. તેને વર્ષ 2026માં 380000 અને 2027માં 365000 પર લાવવામાં આવશે. દરમિયાન, કામચલાઉ રહેવાસીઓની સંખ્યા 2025માં 30,000 ઘટીને લગભગ 3 લાખ થઈ જશે. સરકારની વર્તમાન ઇમિગ્રેશન યોજના અનુસાર કેનેડા 2024માં આશરે 4,85,000 કાયમી રહેવાસીઓને અને 2025 અને 2026 બંનેમાં 5 મિલિયન લોકોને સ્વીકારે તેવી અપેક્ષા હતી.