છેલ્લા ઘણા સમયથી સમાચાર આવી રહ્યા છે કે અભિષેક બચ્ચન અને ઐશ્વર્યા રાય વચ્ચે બધુ બરાબર નથી ચાલી રહ્યું. કલાકારોને ઘણા ખાસ પ્રસંગો પર અલગ-અલગ જોવામાં આવ્યા હતા, ત્યારબાદ આ અફવાએ જોર પકડ્યું હતું. હવે અમિતાભ બચ્ચને પરિણીત યુગલો માટે એક ખાસ સંદેશ છોડ્યો છે.

તાજેતરમાં કૌન બનેગા કરોડપતિ એપિસોડ 16 માં, અમિતાભ બચ્ચને તમામ પરિણીત યુગલો માટે પ્રેમની સલાહ આપી છે. કૌન બનેગા કરોડપતિના એક લેટેસ્ટ એપિસોડમાં દીપાલી સોની નામની સ્પર્ધક બિગ બીની સામે બેઠી હતી. અભિનેતા તેને તેની લવ સ્ટોરી વિશે પૂછે છે. આ અંગે સોનીના પતિનું કહેવું છે કે તેમનાં એરેન્જ્ડ મેરેજ હોવા છતાં તેઓ ટૂંક સમયમાં જ એકબીજાના પ્રેમમાં પડ્યાં હતાં. તેઓ હવે 25 વર્ષથી સાથે છે. સોનીના પતિએ જણાવ્યું કે તે જ્યાં જાય છે ત્યાં ઘણી વખત રીલ બનાવે છે.

આ લવ સ્ટોરી પર પ્રતિક્રિયા આપતા અમિતાભે તમામ પરિણીત યુગલોને એક સલાહ આપી હતી. અભિનેતાએ કહ્યું કે તે ખૂબ જ સારો વિચાર છે જે તમે પતિ-પત્નીને આપ્યો છે. અમિતાભે કહ્યું, દરેક પતિ-પત્ની જ્યાં પણ હો, જ્યાં પણ મુસાફરી કરો, એક રીલ બનાવો.

અમિતાભના આ શબ્દો એવા સમયે આવ્યા છે જ્યારે અભિષેક અને ઐશ્વર્યાના લગ્ન જીવનમાં મુશ્કેલીની અફવાઓ હેડલાઈન્સ બની રહી છે. તાજેતરમાં, એક જૂનો વીડિયો સોશિયલ મીડિયા પર વાયરલ થયો હતો જેમાં અભિષેક ઐશ્વર્યા સાથેના તેના અલગ થવાની અફવાઓ વિશે વાત કરતો જોવા મળ્યો હતો.