એક્શન સિક્વન્સના શૂટિંગ દરમિયાન આંખમાં ઈજા

અજય દેવગન 'સિંઘમ અગેન'ના સેટ પર ઘાયલ થયો હતો. અભિનેતા ફિલ્મ સિટીમાં તેનું શૂટિંગ કરી રહ્યો હતો અને તે દરમિયાન એક એક્શન સિક્વન્સ દરમિયાન તેની આંખમાં ઈજા થઈ હતી. ઘાયલ થયા બાદ અજયે ફરીથી શૂટિંગ શરૂ કરી દીધું છે. ફિલ્મના થોડા દિવસ પહેલા જ તેનો લુક શેર કરવામાં આવ્યો હતો.અજય દેવગન 'સિંઘમ અગેઇન'ના શૂટિંગમાં વ્યસ્ત છે. તેણે પહેલા જ ચાહકોને ફિલ્મમાં તેના એક્શનથી ભરપૂર અવતારની ઝલક આપી દીધી હતી. રોહિત શેટ્ટી અને તેની ટીમ વિલે પાર્લેમાં શૂટિંગ કરી રહી હતી અને એક એક્શન સિક્વન્સ દરમિયાન અજયને આંખમાં ઈજા થઈ હતી. અજય દેવગન એક લડાઇની સીક્વન્સનું શૂટિંગ કરી રહ્યો હતો ત્યારે આકસ્મિક રીતે અભિનેતાના ચહેરા પર ફટકો વાગી ગયો, જેના કારણે તેની આંખમાં ઈજા થઈ.રિપોર્ટમાં કહેવામાં આવ્યું છે કે અજય દેવગણે થોડા કલાકોનો બ્રેક લીધો હતો અને તેની સારવાર ડૉક્ટર દ્વારા કરવામાં આવી રહી હતી, જ્યારે રોહિતે વિલન સાથે સંબંધિત સીન શૂટ કર્યા હતા. અજય દેવગન ક્યારેય પોતાના કામ પર કોઈ અસર પડવા દેતો નથી, તેથી અજયે ટૂંક સમયમાં શૂટિંગ ફરી શરૂ કર્યું. અહેવાલ મુજબ, 'સિંઘમ અગેન'ની ટીમ હવે ફિલ્મ સિટીમાં શૂટિંગ ચાલુ રાખશે.

સિંઘમ અગેઇન'ની કલાકાર ટીમ

રોહિત શેટ્ટી સિંઘમ અગેઇન સાથે મોટી અને મજબૂત ટીમ લઈને આવ્યા છે. અજય દેવગન લીડ રોલમાં છે તે સિવાય તેણે કરીના કપૂર ખાન અને દીપિકા પાદુકોણને પણ તેમાં સાઈન કર્યા છે. તે શિલ્પા શેટ્ટીને ડીસીપી અંજલી શેટ્ટી તરીકે, દીપિકાને ડીસીપી શક્તિ શેટ્ટી તરીકે અને ટાઇગર શ્રોફને એસીપી સત્ય પાંડે તરીકે રજૂ કરશે. ફિલ્મમાં સોનુ સૂદ, પ્રકાશ રાજ, ફરદીન ખાન, જેકી શ્રોફ, રણવીર સિંહ અને સિદ્ધાર્થ જાધવ પણ જોવા મળશે.