અમદાવાદમાં આજે જગન્નાથની રથયાત્રા દરમિયાન એક દુર્ઘ઼ટના ઘટી હતી. જેમાં એક વ્યક્તિનું મૃત્યુ થયાના સમાચાર સામે આવ્યા છે. 

અમદાવાદ શહેરમાં આજે જગન્નાથજીની રથયાત્રા નીકળી હતી. જેમાં દરિયાપુર વિસ્તારમાં આજે એક દુર્ઘટના સર્જાઈ હતી. રથયાત્રાના રૂટ પર આવતા મકાનની અચાનક બાલકની તુટી પડતા 22 લોકોને ઈજા પહોચી હતી. ઈજા પહોચતા તમામને સારવાર માટે હોસ્પિટલ ખાતે પહોચાડવામાં આવ્યા હતા. જ્યાં એક વ્યક્તિના મોતના સમાચાર સામે આવ્યા છે. મહત્વનું છે કે દરિયાપુરમાં જે મકાનની બાલ્કની તુટી હતી તે બાલ્કની ખીચોખીચો ભરેલી હતી.

દબાઈ જતાં એક વ્યક્તિનું મોત

જેમાં રથયાત્રાના દર્શન કરવા બાલ્કનીમાં ઉભેલા લોકો નીચે ખાબક્યા હતા. આ દરમિયાન દરિયાપુરમાં ખીચોખીચ ભરેલી ઘરની બાલ્કનીમાં દબાઈ જતા 1 વ્યક્તિનું મોત નીપજ્યું હતું. આ ઘટના ઘટતા થોડો સમય અરેરાટી મચી જવા પામી હતી.