શહેરના કુંભારવાડામાં ગાળોની બઘડાટી બોલાવતા પાડોશીએ પોલીસને બોલાવ્યાની દાઝ રાખીને પાંચ શખસોએ તલવાર, ધારિયા વડે મહિલા ઉપર જીવલેણ હુમલો કર્યો હતો, જે મામલે બોરતળાવ પોલીસમાં પાંચેય શખસોની સામે ગુનો દાખલ કરવામાં આવ્યો હતો.
કુંભારવાડાના ગીરનાર સોસાયટીમાં રહેતા વસંતાબા મનુભાઈ ગોહિલએ એવા મતલબની ફરિયાદ નોંધાવી હતી કે, બાજુમાં રહેતા ગોપાલ રમેશભાઈ પાડલિયા અને તેનો દિકરો તેના ઘરે ગાળો બોલતા હોવાથી પોલીસને કોલ કરીને બોલાવી હતી, જેથી તે ભાગી ગયા હતા, પોલીસ જતી રહી હતી, ત્યાર બાદ તે પિતા પુત્ર ઘરે આવ્યા હતા અને તલવાર, ધારિયાથી હુમલો કર્યો હતો, જેમાં પતિને બચાવવા જતા તેને લોહીયાળ ઈજાઓ થઈ હતી, જેથી ૧૦૮ મારફત તેઓને સારવાર માટે ખસેડવામાં આવ્યા હતા, જ્યા સારવારમાં ફેકચર તેમજ પતીના માથાના ભાગે ટાંકા આવ્યા હતા. આ મામલે પોલીસે ગિરનાર સોસાયટીમાં જ રહેતા ગોપાલ રમેશ પાડલીયા, વિશાલ ગોપાલભાઈ, રમેશ ઉર્ફે જંબુ પોપટભાઈ પાડલિયા, ભોલો વલ્લભભાઈ અને આકાશ સામે ગુનો નોંધીને વધુ તપાસ બોરતળાવ પોલીસે હાથ ધરી હતી.