હવે પક્ષકારો અને તેમના વકીલોને સુપ્રીમ કોર્ટમાં કેસની સુનાવણી સ્થગિત કરવાની મંજૂરી આપવામાં આવશે નહીં. કોર્ટે ગતરોજ અરજીઓ અને કેસ મુલતવી રાખવાની પ્રક્રિયા સંબંધિત નવી વ્યવસ્થા અંગે એક પરિપત્ર જારી કર્યો હતો. આ અંતર્ગત કેટલાક મહત્વપૂર્ણ કેટેગરીના કેસોમાં સુનાવણી મોકૂફ રાખવામાં આવશે નહીં.
ઉપરાંત, અન્ય કેસોમાં સ્થગિતતાની માંગ કરતા પહેલા, તે જ કેસમાં અગાઉ લેવાયેલી મુલતવીની સંખ્યા, કારણ અને અન્ય પક્ષ અથવા તેના વકીલનો કોઈ વાંધો જણાવવો જરૂરી રહેશે. મુલતવી રાખવા માટેની અરજી કોલ લિસ્ટ તૈયાર કરવાના પહેલા દિવસે આપવાની રહેશે. સ્થગિત પ્રક્રિયાનો દુરુપયોગ ન થાય તે માટે જરૂરી વ્યવસ્થા પણ કરવામાં આવી છે.
ઉલ્લેખનીય છે કે ન્યાયમાં વિલંબ અને ન્યાયિક પ્રક્રિયાના દુરુપયોગને રોકવા માટે સીજેઆઈ ડીવાય ચંદ્રચુડ અને સર્વોચ્ચ અદાલતના અન્ય ન્યાયાધીશોએ વારંવાર સુનાવણી દરમિયાન અને કાર્યક્રમોમાં તેમના ભાષણોમાં મુલતવી રાખવાની વૃત્તિને રોકવાની વાત કરી છે.

આ કેસોમાં સુનાવણી સ્થગિત નહીં કરાઈ

- જામીન અથવા આગોતરા જામીન
- જેમાં શરણાગતિમાંથી મુક્તિ માંગવામાં આવી છે
- જ્યાં વચગાળાનો હુકમ સ્ટે માંગતી વ્યક્તિની તરફેણમાં અસરકારક હોય
- સજાને સ્થગિત કરવાની વિનંતી કરતા કેસ

આ પણ વ્યવસ્થા કરાઈ

એકવાર કેસ સ્થગિત કયર્િ પછી, કોર્ટમાં લીસ્ટીંગ કયર્િ વિના બીજી કોઈ મુલતવી અપાશે નહી, મુલતવી રાખેલા કેસોની સુનાવણી નિશ્ચિત તારીખે મહત્તમ ચાર અઠવાડિયામાં થવી જરૂરી