આદિત્યાણાની દાદર સીમ અને ધરસન ગામના ચોરેથી દસ જુગારીઓ ઝડપાયા હતા જેમાં ૨૬ વર્ષના યુવાનથી માંડીને ૮૦ વર્ષના બાપા પણ પત્તા ટીંચતા હતા.  પોલીસે અડધા લાખની રોકડ કબ્જે કરી છે.
આદિત્યાણાની સીમમાં દરોડો
આદિત્યાણાની દાદર સીમમાં શિવ હોટલ પાછળ વનરાજ રાજા ખુંટીની વાડીએ જતા રસ્તે કેટલાક ઇસમો સાંજના સમયે જુગાર રમતા હતા ત્યારે પોલીસે દરોડો પાડયો હતો જેમાં વનરાજ રાજા ખુંટી ઉપરાંત પોરબંદરના મીલપરા શેરી નં-૭માં રહેતો વૈદે ઉર્ફે વિજય રાણા ખુંટી જી.આઇ.ડી.સી. રેસીડેન્ટમાં બ્લોકના કારખાના સામે રહેતો પરબત રણમલ મોઢવાડીયા, આદિત્યાણાની દાદર સીમમાં રહેતો કેશવ રાણા ઓડેદરાને પોલીસે ૩૮૦૭૦ની રોકડ સાથે પત્તા ટીંચતા પકડી લીધા હતા જ્યારે ખાપટ-આદિત્યાણા રોડ પર નાગદેવતાના મંદિર સામે રહેતા વિરમભાઇ રાજાભાઇ બોખીરીયા ઉ.વ. ૮૦ સીનીયર સીટીઝન હોવાથી તેઓ જુગાર રમતા હતા માટે નોટીસ આપીને રાણાવાવ પોલીસમથક ખાતે હાજર થવા સમજ કરી હતી. 
ધરસન ગામના ચોરા પાસે દરોડો
ધરસન ગામના ચોરા પાસે બપોરે સવા બે વાગ્યે જાહેરમાં જુગાર રમી રહેલા અને એ જ ગામમાં રહેતા લાખા કરશન મૈયારીયા, અ‚ણ જગદીશ લુવા, લીલા માલદે ઓડેદરા, સુખદેવ જીવા ઓડેદરા અને કેશુ પોલા ઓડેદરાને ૧૨,૭૫૦ની રોકડ સાથે પકડી પાડયા હતા.