મહાપાલિકા દ્વારા શહેરમાં દબાણો સામેનું અભિયાન પુન: વેગવંતુ બનાવાયું છે. અને હવે સતત કાર્યવાહી હાથ ધરવામાં આવી રહી, ગત સપ્તાહના અંતિમ દિવસોમાં રાજકોટ રોડ સહિતના વિસ્તારોમાં  દબાણો દૂર કરવામાં આવ્યા બાદ આજે સોમવારે મહાપાલિકાના એસ્ટેટ વિભાગ અને દબાણ હટાવ સેલની ટીમ શહેરના જવેલ્સ સર્કલ વિસ્તારમાં ત્રાટકી હતી અને અનેક નાના-મોટા અસ્થાઈ દબાણો દૂર કરવાની કાર્યવાહી હાથ ધરવામાં આવી હતી. ટીમ દ્વારા અડચણરૂપ દબાણો તેમજ વાણિજ્ય એકમોના આગળના ભાગે લોખંડની એંગલો સહિતના નડતરો પણ દુર કરવામાં આવ્યા હતા. જ્યારે જવેલ્સ સર્કલને જોડતા મુખ્ય માર્ગી પરના વીજ પોલ પર વગર મંજૂરીએ લટકાવી દેવાયેલા નાના-મોટા બોર્ડ ઉતારી જપ્ત કરવાની કામગીરી હાલ શરૂ કરવામાં આવી છે.