પહેલા જ દિવસે તેનું કલેક્શન સાવ સાધારણ,'ધ સાબરમતી રિપોર્ટ'ને મિશ્ર પ્રતિસાદ

અભિષેક બચ્ચને તેની ફિલ્મ 'આઈ વોન્ટ ટુ ટોક' સાથે લાંબા સમય બાદ બોક્સ ઓફિસની રેસમાં એન્ટ્રી કરી છે. શૂજિત સરકારના નિર્દેશનમાં બનેલી આ ફિલ્મ પહેલા દિવસે પણ સારી કમાણી કરી શકી નથી. એક અહેવાલ અનુસાર, શુક્રવારે તેની કમાણી 1 કરોડ રૂપિયાથી ઓછી હતી. રાઇઝિંગ સન ફિલ્મ્સ અને કિનો વર્ક્સની ફિલ્મ 22 નવેમ્બરે વિશ્વભરના સ્ક્રીન્સ પર રિલીઝ થઈ છે. બીજી તરફ, તે 'ધ સાબરમતી રિપોર્ટ'ની કઠિન સ્પર્ધાનો સામનો કરી રહી છે.

પ્રારંભિક અંદાજ મુજબ, ફિલ્મે ભારતમાં માત્ર 25 લાખ રૂપિયાની કમાણી કરી હતી. શુક્રવારે 'આઈ વોન્ટ ટુ ટોક'ની એકંદર હિન્દી ઓક્યુપન્સી 7.44% હતી. 'આઈ વોન્ટ ટુ ટોક'માં અભિષેક બચ્ચન લીડ રોલમાં છે. આ ફિલ્મે તેની અગાઉની રિલીઝ 'ઘૂમર' (2023) કરતાં ઓછી કમાણી કરી હતી. તેણે પહેલા દિવસે 85 લાખ રૂપિયાની કમાણી કરી હતી.

ફિલ્મમાં અભિષેક અર્જુનનું પાત્ર ભજવે છે, જે પોતાની પુત્રી સાથેના સંબંધમાં મુશ્કેલીઓનો સામનો કરી રહ્યો છે. 'આઈ વોન્ટ ટુ ટોક'માં જોની લીવર, અહિલ્યા બમરુ, બનિતા સંધુ અને પર્લ માને સહિતના કલાકારો છે.

બીજી તરફ, વિક્રાંત મેસી, રાશિ ખન્ના અને રિદ્ધિ ડોગરા અભિનીત 'સાબરમતી રિપોર્ટ' નજીવા વધારા સાથે બીજા સપ્તાહમાં પ્રવેશી છે. ફિલ્મે પાછલા દિવસની સરખામણીએ બીજા શુક્રવારે 10%નો વધારો કર્યો અને બીજા શુક્રવારે (આઠમા દિવસે) લગભગ રૂ. 1.05 કરોડની કમાણી કરી. ભારતીય બોક્સ ઓફિસ પર 'સાબરમતી રિપોર્ટ'ની કુલ કમાણી હાલમાં 11.95 કરોડ રૂપિયા સુધી પહોંચી ગઈ છે.

'ધ સાબરમતી રિપોર્ટ'ને મિશ્ર પ્રતિસાદ

ધીરજ સરના દ્વારા નિર્દેશિત 'ધ સાબરમતી રિપોર્ટ'ને મિશ્ર પ્રતિસાદ મળ્યો હતો. જો કે, આ ફિલ્મને ઘણા રાજ્યોમાં ટેક્સ ફ્રી કરવામાં આવી હતી, જેના કારણે બોક્સ ઓફિસ પર તેનો બિઝનેસ વધી શકે છે. આગામી બે દિવસમાં તે રૂ. 15 કરોડના આંકડાને પાર કરી જશે તેવી આશા છે. બીજા અઠવાડિયા પછી તેનું પ્રદર્શન કેવું રહે છે તે જોવું રસપ્રદ રહેશે.

આ રાજ્યોમાં 'ધ સાબરમતી રિપોર્ટ' કરમુક્ત

'ધ સાબરમતી રિપોર્ટ'ને દેશભરના વિવિધ રાજ્યોમાંથી સમર્થન મળી રહ્યું છે. તેને છત્તીસગઢ, મધ્યપ્રદેશ, હરિયાણા, ઉત્તર પ્રદેશ, રાજસ્થાન અને ગુજરાતમાં કરમુક્ત જાહેર કરવામાં આવ્યું છે. વડા પ્રધાન નરેન્દ્ર મોદીએ પણ તાજેતરમાં આ ફિલ્મના સમર્થનમાં વાત કરી હતી, જે 2002ની ગોધરા ટ્રેન સળગાવવાની ઘટના પર આધારિત છે.