સોશિયલ મીડિયા પર ફેમસ થવાની ઘેલછામાં સુરતના કુંડીયાણા ગામમાં 21 વર્ષીય પ્રતીક પટેલે આપઘાત કરીને પોતાનું જીવન ટૂંકાવી દીધું છે. પ્રતીક સોશિયલ મીડિયા પર વીડિયો બનાવીને ફેમસ થવા માંગતો હતો, પરંતુ ફોલોઅર્સ ન વધતાં તેણે આ અંતિમ પગલું ભર્યું.

પ્રતીક પટેલ સોશિયલ મીડિયા પર રીલ્સ બનાવવાનો શોખીન હતો. તે સતત નવા વીડિયો બનાવીને લોકોને આકર્ષવાનો પ્રયત્ન કરતો હતો, પરંતુ તેની મહેનત સફળ ન થતાં તે હતાશ થઈ ગયો હતો. હતાશામાં તેણે ઝેરી દવા પીને જીવન ટૂંકાવી લીધું.

ઘટનાની જાણ થતાં ઓલપાડ પોલીસે ઘટનાસ્થળે પહોંચીને તપાસ શરૂ કરી છે. સુરત પીઆઈએ યુવાનોને સોશિયલ મીડિયાને લઈને સલાહ આપી છે કે, "માત્ર રીલ્સ બનાવીને જ સફળ થવાય તે જરૂરી નથી. ફેમસ થવા માટે બીજા ઘણા રસ્તા છે. સારું ભણીને કે રમતમાં સારું પ્રદર્શન કરીને પણ પ્રસિદ્ધિ મેળવી શકાય છે."