ભકિનગર સ્ટેશન પ્લોટ પાસે ગાદલના ગોડાઉનમાં કામ કરનાર યુવાનને સાથે કામ કરતા શખસે ઝઘડો કરી ઢીકાપાટાનો મારમારી માથામાં ધારદાર હથિયારનો ઘા મારી દેતા યુવાનને ઇજા પહોંચી હતી.આ અંગે યુવાનની ફરિયાદ પરથી એ ડિવિઝન પોલીસે ગુનો નોંધી જરી કાર્યવાહી કરી હતી.
બનાવની જાણવા મળતી વિગતો મુજબ, કણકોટ મેઇન રોડ પર સ્પીડવેલ પાર્ટી પ્લોટની પાછળ વીર હનુમાન ટાઉનશીપમાં રહેતા કરણ અશોકભાઇ લોધા(ઉ.વ ૨૨) નામના યુવાને એ ડિવિઝન પોલીસ મથકમાં નોંધાવેલી ફરિયાદમાં આરોપી તરીકે મનોજ હસમુખભાઇ ગોહિલનું નામ આપ્યું છે.યુવાને પોતાની ફરિયાદમાં જણાવ્યું હતું કે, તે ભકિતનગર શેરી નં.૫૫ માં આવેલા સ્લીપવેલ કંપનીના ગોડાઉનમાં ગાદલા બનાવવાનું કામ કરી પરિવારનું ગુજરાન ચલાવે છે.
ગત તા.૨૧૧૧ ના રોજ સવારના નવ વાગ્યા આસપાસ તે અહીં ભકિતનગર પ્લોટ શેરી નં.૫૫ માં આવેલા ગોડાઉનમાં ગાદલા ભરવાનું કામ કરતો હતો.ત્યારે સાંજના સમયે સાથે કામ કરનાર મનોજભાઇએ સોલ્યુશનના ડબલા ભરાવાનું કહેતા યુવાને સોલ્યુશનના ડબલા ભરવાની ના કહી હતી કારણ કે શેઠે વધુ સોલ્યુશન લેવાની ના કહી હોય જેથી તેણે ડબલા ભરવાની ના કહી હતી.આ સાંભળી મનોજ ઉશ્કેરાયો હતો અને તેને ગાળો દેવા લાગ્યો હતો.જેથી યુવાને ગાળો આપવાની ના કહેતા તે વધુ ઉશ્કેરાયો હતો અને યુવાનને ઝાપટ મારી ઢીકાપાટુનો માર મારવા લાગ્યો હતો બાદમાં તેણે કોઇ ધારદાર હથિયાર કાઢી યુવાનને માથામાંભાગે તેના ઘા ઝીંકી દીધા હતાં.જેથી યુવાનને લોહી નિકળવા લાગ્યું હતું.
યુવાને અહીં ગાદલા ભરવાનું  લગાવી દેતા લોહી બધં થઇ ગયું હતું શેઠને આ બાબતે વાત કરતા તેણે ઘરે કહેતો નહીં આપણે કોઇ રસ્તો કાઢી લેઇશું તેવી વાત કહી હતી.બાદમાં યુવાન રાત્રીના ઘરે ચાલ્યો ગયો હતો.તેને ચક્કર આવવા લાગતા હોસ્પિટલ ખસેડાયો હતો.જેમાં તેને માથામા ૯ ટાકા આવ્યા હતાં.બાદમાં સમાધાનની વાત ચાલતી હોય જેથી તેણે જે તે સમયે ફરિયાદ કરી ન હતી.પણ યુવાનને સમાધાન કરવું ન હોય જેથી અંતે તેણે આ અંગે એ ડિવિઝન પોલીસ મથકમાં ફરિયાદ કરતા એ ડિવિઝન પોલીસે યુવાનની ફરિયાદ પરથી મનોજ ગોહિલ સામે ગુનો નોંધી જરી કાર્યવાહી કરી હતી.