પત્ની રીસામણે ગયા બાદ ગુમસુમ રહેતા કંટાળીને પગલુ ભર્યુ

ધ્રોલ તાલુકાના ગોલીટા ગામમાં એક યુવાને ગળાફાંસો ખાઇને આપઘાત કરી લીધો હતો, પાંચેક વર્ષથી પત્ની રીસામણે હોય યુવાન ગુમસુમ રહેતો હોય દરમ્યાન મનમાં લાગી આવવાથી પગલુ ભરી લીધુ હતું.
ધ્રોલ તાલુકાના ગોલીટા ગામમાં રહેતા મજુરી કામ કરતા રમેશ લખાભાઇ વાઘેલા (ઉ.વ.૪૫) નામના યુવાનના પત્ની છેલ્લા પાંચેક વર્ષથી માવતરે રીસામણે હોય અને યુવાન એકલવાયુ જીવન જીવતો હોય, ગુમસુમ રહેતો હોય જેથી કંટાળી જઇને આ બાબતનું મનમાં લાગી આવ્યુ હતું.
દરમ્યાન ગઇકાલે સાંજના સુમારે પોતાના ઘરે પંખાના હુક સાથે દોરડું બાંધીને ગળાફાંસો ખાઇ લેતા સારવારમાં લઇ જવામાં આવેલ જયાં તેમનું મૃત્યુ થયુ હતું બનાવ અંગે ગોલીટા ગામમાં રહેતા નાનજી લખાભાઇ વાઘેલાએ પોલીસમાં જાહેર કરતા આગળની કાર્યવાહી હાથ ધરવામાં આવી હતી, યુવાનના આપઘાતના બનાવથી નાના એવા ગામમાં શોકની લાગણી ફેલાઇ ગઇ હતી.