બોટલો, કાર, મોબાઇલ સહિતનો મુદામાલ કબ્જે : 3 સ્થળે દરોડા

જામનગરના દિ.પ્લોટ, ગજાનંદ સોસાયટીમાં બે શખ્સ દારૂની બાટલી સાથે ઝપટમાં આવ્યા હતા જયારે શેઠવડાળા નજીક કારમાં દારૂ સાથે બે શખ્સની અટકાયત કરવામાં આવી હતી.

જામનગરના સરદારનગર વિસ્તાર માધવબાગ ખાતે રહેતા સાગર કાંતી ગોંડલીયા નામના શખ્સને ઇંગ્લીશ દારૂની એક બોટલ સાથે દિ.પ્લોટ 49 રોડ પરથી પોલીસે પકડી લીધો હતો જયારે નંદનવન સામે ગજાનંદ સોસાયટીમાં રહેતા વિપુલ ચના રાઠોડ નામના ઇસમના ભોગવટાના મકાને પોલીસે દરોડો પાડી વિદેશી દારૂની બે બોટલ સાથે દબોચી લીધો હતો.

આ ઉપરાંત શેઠવડાળા ગામના અને હાલ કાલાવડ રોડ એજી સોસાયટીમાં રહેતા નિતેશ પ્રેમજી બગડા અને મુળ ગોરખડીના હાલ એજી સોસાયટીમાં રહેતા રાહુલ લખમણ સાગઠીયા આ બંને શખ્સો વેન્યુ કાર લઇને ગઇકાલે શેઠવડાળાના સિમેન્ટના કારખાના પાસે જસાપર તરફ રોડ પર નીકળતા સ્થાનીક પોલીસે આંતરીને તલાશી લેતા તેમની પાસે 200 એમએલ ઇંગ્લીશ દારૂ બોટલમાં મળી આવ્યો હતો. પોલીસે જીજે3એમઆર-9459 નંબરની કાર, બે મોબાઇલ મળી કુલ 3.06 લાખનો મુદામાલ કબ્જે કરી કાયદેસરની કાર્યવાહી કરી હતી.