જામનગરમાં યુનિક શોપિંગ સેન્ટરમાં હોટલમાંથી ઇંગલિશ દારૂ-બિયરનો જથ્થો ઝડપાયો

  • May 25, 2024 11:14 AM 
Aajkaal Daily (Desh Pardesh Ni Aajkaal)

હોટલ સંચાલક દ્વારા સંગ્રહ કરાયેલો ૪૬૮ નંગ ઇંગ્લિશ દારૂની બાટલી અને ૧૦ નંગ બિયરના ટીન કબજે કરાયા: વેપારીની અટકાયત



જામનગરમાં ડીકેવી રોડ પર યુનિક શોપિંગ સેન્ટરમાં આવેલી એક હોટલના સંચાલક પોતાની હોટલમાં દારૂનો જથ્થો ઉતારીને તેનું ખાનગીમાં વેચાણ કરી રહ્યો છે, તેવી ચોક્કસ બાતમી સિટી બી. ડિવિઝન પોલીસે દરોડો પાડયો હતો, અને હોટલમાંથી ૪૬૮ નંગ ઇંગ્લિશ દારૂની બાટલીનો જથ્થો, દસ નંગ બિયરના ટીન વગેરે કબજે કરી લઇ હોટલ સંચાલકની અટકાયત કરી લેવામાં આવી છે.


આ દરોડા ની વિગત એવી છે કે જામનગરમાં સ્વામિનારાયણ નગર વિસ્તારમાં રહેતો અને યુનિક શોપિંગ સેન્ટરમાં હરીશ હોટલ ચલાવતો પ્રદીપ મેઘજીભાઈ ગોહિલ હરીશ હોટલ નામની હોટલમાં ઇંગ્લિશ દારૂનો જથ્થો ઉતારીને તેનું ખાનગી માં વેચાણ કરી રહ્યા છે, તેવી બાતમીના આધારે સીટી બી. ડિવિઝન ના પી.આઈ.પી.પી.ઝા તેમજ સ્ટાફના રઘુવીરસિંહ પરમાર સહિતની ટીમે દરોડો પાડ્યો હતો.


જે દરોડા દરમિયાન હોટલમાંથી ૪૬૮ નંગ ઇંગ્લિશ દારૂની બાટલી અને ૧૦ નંગ બિયરના ટીન વગેરે મળી આવ્યા હતા. આથી પોલીસે કુલ ૬૮,૦૫૦ની માલમતા કબજે કરી છે, અને હોટલ સંચાલક પ્રદીપભાઈ ગોહિલની અટકાયત કરી લઈ તેની સામે દારૂબંધી ભંગ અંગે ગુન્હો નોંધ્યો છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application