તળાજા પંથકમાં અવાર-નવાર દીપડા અને સિંહ સહિત રાની પશુઓ વાડી તેમજ રહેણાંકી વિસ્તારમાં આવી ચડવાની ઘટનાઓ બનતી રહે છે. તેમજ રાની પશુઓ દ્વારા મારણ કરાતા માલધારીઓ, ખેડૂતો સહિત ગ્રામ્ય લોકો સતત ભયના ઓથાર હેઠળ રહેતા હોય છે. ત્યારે તાલુકાના નવીકામરોળ ગામે આજે પરોઢીયે એક વાડીમાં ઘૂસેલા દીપડાએ વાછરડીનું મારણ કર્યુ હોવાનું સામે આવ્યું છે. 
તળાજા તાલુકાના નવી કામરોળ ગામે રહેતા અને ગામની સીમમાં વાડી ધરાવતા રામદેવસિંહ બટુકસિંહ સરવૈયાની વાડીમાં આજે પરોઢીયે ઘૂસેલા દીપડાએ વાછરડીનું મારણ કર્યુ હતું. દીપડાએ  મારણ કરતા નવી કામરોળ ગામે ભારે ભય ફેલાયો હતો.