જમ્મુ અને કાશ્મીરની શાંતિ હણવાના ભાગ રૂપે દિન પ્રતિદિન આતંકવાદી પ્રવૃત્તિઓ વધી રહી હોવાના લીધે ભારતીય સેના અને સ્થાનિક પોલીસ સતત એલર્ટ બની રહ્યા છે છતાં આતંકીઓ તેમની મુરાદ પાર પડી રહ્યા હોવાથી બારામુલ્લામાં ભારતીય સેના અને પોલીસે સંયુક્ત ઓપરેશન હાથ ધર્યું છે. અધિકારીઓએ જણાવ્યું હતું કે કુપવાડા જિલ્લામાં હાથ ધરવામાં આવેલા એક એન્કાઉન્ટરમાં એક આતંકવાદી માર્યો ગયો હતો, જો ક ઓપરેશન હજુ પણ ચાલુ જ છે.
ભારતીય સેના અને જમ્મુ અને કાશ્મીર પોલીસે ગુરુવારે બારામુલ્લામાં આતંકવાદીઓની વધતી શંકાસ્પદ પ્રવૃત્તિને જોયા બાદ સંયુક્ત ઓપરેશન શરૂ કર્યું હતું, સેનાએ ઉમેર્યું હતું કે પડકારવામાં આવતા આતંકવાદીઓએ અંધાધૂંધ ગોળીબાર કર્યો હતો જેનો જડબાતોડ જવાબ અપાયો હતો.
આ વિસ્તારમાં આતંકવાદીઓની હાજરી અંગેની ચોક્કસ ગુપ્ત માહિતીના આધારે, ભારતીય આર્મી અને જમ્મુ પોલીસ દ્વારા પાણીપુરા, સોપોર,બારામુલ્લામાં સંયુક્ત ઓપરેશન શરૂ કરવામાં આવ્યું હતું. જાગ્રત સૈનિકોએ શંકાસ્પદ પ્રવૃત્તિને પડકારવામાં આવતા આતંકવાદીઓએ અંધાધૂંધ ગોળીબાર કર્યો હતો.
આતંકવાદીઓની હાજરી વિશે ચોક્કસ ગુપ્ત માહિતીના આધારે ઉત્તર કાશ્મીર જિલ્લાના લોલાબના માર્ગી વિસ્તારમાં સુરક્ષા દળોએ ઘેરી અને સર્ચ ઓપરેશન શરૂ કયર્િ પછી એન્કાઉન્ટર શરૂ થયું.અધિકારીઓએ ઉમેર્યું હતું કે, એન્કાઉન્ટરના સ્થળેથી એક એકે રાઈફલ, બે હેન્ડ ગ્રેનેડ અને ચાર એકે રાઈફલ મેગેઝિન મળી આવ્યા હતા.નોંધનીય છે કે સુરક્ષા દળોએ બુધવારે બાંદીપોરામાં એક આતંકવાદીને ઠાર કર્યો હતો.