નાની બેન સાથે ઘરના કામ બાબતે ઝઘડો થતા લાગી આવવાથી પગલુ ભર્યુ

જામનગર નજીક દરેડમાં રહેતી એક યુવતીએ ગળાફાંસો ખાઇને આપઘાત કરી લીધો છે, નાની બેન સાથે ઘરકામ બાબતે ઝઘડો થતા મનમાં લાગી આવવાથી પગલુ ભરી લીધાનું પોલીસમાં જાહેર થયું છે.
દરેડ ગામમાં મેડકીલવાળી શેરીમાં રહેતી ફાલ્ગુનીબેન દિનેશભાઇ મારુ (ઉ.વ.૨૧) નામની યુવતીને ઘરના કામકામજ બાબતે પોતાની નાની બેન સાથે ઝઘડો થયો હતો જે વાતનું ફાલ્ગુનીને લાગી આવતા પોતાના ઘરે છતની હુંકમાં ચુંદડી વડે ગળાફાંસો ખાઇ લીધો હતો આથી તેણીને બેભાન અવસ્થામાં જી.જી. હોસ્પીટલ સારવારમાં દાખલ કરવામાં આવી હતી જયાં સારવાર દરમ્યાન તેણીનું મૃત્યુ નિપજયું છે. આ અંગે દરેડમાં રહેતા અને રીક્ષા ચલાવતા દિનેશ રામજીભાઇ મારુએ પંચ-બીમાં જાણ કરી હતી.