અમરેલી જુના માર્કેટિંગ યાર્ડમાં આવેલી એન્જલ લોર્ડસ હોટલમાં ચાલતા જુગારધામ ઉપર લસીબીની ટીમે દરોડો પાડી જુગાર સંચાલક સહીત 11 શખ્સોને ઝડપી પાડ્યા હતા અને રોકડ, બાઈક, મોબાઈલ સહીત રૂા.4,63,200નો મુદામાલ કબ્જે કરી કાર્યવાહી કરી હતી.
પ્રાપ્ત વિગત મુજબ જુના માર્કેટિંગ યાર્ડમાં એન્જલ લોર્ડસ હોટલમાં બીજા માળે આવેલ રૂમ નં.110માં બહારથી માણસો બોલાવી મોટા પાયે જુગાર રમાડવામાં આવતો હોવાની બાતમીના આધારે અમરેલી એલસીબીની ટીમે હોટેલમાં રેઇડ કરતા રૂમમાં જુગાર રમતા ફેજલ ફારૂકભાઇ કુંડલીયા, સાકીર ઓસમાણભાઇ નાગાણી, સીરાજ મહમદભાઇ બીલખીયા, ઇમ્તીયાઝ વલીભાઇ ડાયાતર (ચારેય રહે.અમરેલી), રહીશ રહીમભાઇ માલવીયા (રહે.જુનાગઢ, કુંભારવાડા), રહીશ સીદીકભાઇ કુરેશી, અમીન જીકરભાઇ શેખાણી, આરીફ મહમદભાઇ જીરૂકા, સીકંદર સીદીકભાઇ નગરીયા, આરીફ સતારભાઇ જેઠવા, શકીલ અહેમદ રફીક રહેમાન સૈયદ (રહે.તમામ અમરેલી)ને ઝડપી પાડી તમામ પાસેની અને પટમાં રહેલી રોકડ, 10 મોબાઈલ, પાંચ મોટરસાઇકલ મળી કુલ રૂ.4,63,200નો મુદામાલ કબ્જે કરી અમરેલી સીટી પોલીસમાં ગુનો નોંધાવી આગળની કાર્યવાહી કરી છે.
પોલીસની તપાસમાં કસ્બાવાડમાં રહેતો ફેજલ ફારૂકભાઇ કુંડલીયા હોટેલમા રૂમ બુક કરાવી બહારથી માણસો બોલાવી પોતાના અંગત ફાયદા માટે નાલ ઉઘરાવી જુગાર રમાડતો હોવાનું ખુલ્યું હતું.