માળિયા(મી) તાલુકાના નાની બરાર ગામે ચુલાના ભઠ્ઠામાં પડી જતા પાંચ વર્ષની બાળકી દાઝી ગઇ હતી.જેથી તેને સારવાર માટે રાજકોટ સરકારી હોસ્પિટલ ખસેડવામાં આવી છે.જયારે મોરબીમાં રસના ચીચોડામાં હાથ આવી જતા યુવાનને ઇજા પહોંચી હોય તેને સારવાર માટે રાજકોટ સિવિલ હોસ્પિટલ ખસેડવામાં આવ્યો હતો.

બનાવની જાણવા મળતી વિગતો મુજબ,માળિયા(મી) તાલુકાના નાની બરાર ગામે રહેતી પ્રતિ મુકેશભાઇ અજનાર(ઉ.વ ૫) નામની બાળકી અહીં ગામની સીમમાં વાડીએ રમતી હતી દરમિયાન ચુલાના ભઠ્ઠામાં પડી જતા બાળકીને સારવાર માટે પ્રથમ મોરબી બાદમાં વધુ સારવાર માટે રાજકોટની સરકારી હોસ્પિટલ ખસેડવામાં આવી છે. જયારે અન્ય એક બનાવમાં મોરબીના રવાપર રોડ પર પાટીદાર રસ સેન્ટર પર રસના ચિચોડામાં અશોક પરીમલભાઇ પઢીયાર(ઉ.વ ૧૮) નો હાથ આવી જતા તેને હાથનાભાગે ગંભીર ઇજા પહોંચી હતી જેથી તેને સારવાર માટે રાજકોટની સરકારી હોસ્પિટલ ખસેડવામાં આવ્યો છે.

બીલખા બસ સ્ટેન્ડ પાસે દાહોદના યુવકઙ્ગે ખેંચ આવતા મોત
બીલખા પોલીસમાંથી પ્રાપ્ત વિગત મુજબ બસ સ્ટેન્ડ પાસે રાજેન્દ્રભાઈ માવજીભાઈ પલાસ નામના યુવકને ખેંચ આવતા મોત થયા અંગે મૃતકના ભાઈ મહેન્દ્રભાઈ પલાસે પોલીસમાં જાહેર કર્યું હતું.