ભારતમાં કરોડપતિ કરદાતાઓની સંખ્યા 2,20,000થી વધુ થઈ ગઈ છે. છેલ્લા એક દાયકામાં પાંચ ગણો આશ્ચર્યજનક વધારો થયો છે. વધુ રસપ્રદ વાત એ છે કે કોવિડ પછીથી માત્ર ત્રણ વર્ષમાં 100,000 લોકો કરોડપતિ કરદાતાઓની હરોળમાં જોડાયા છે. ટેક્સ નિષ્ણાતોએ કરોડપતિ કરદાતાઓની સંખ્યામાં વધારો થવા પાછળ અનેક પરિબળોને જવાબદાર ગણે છે. તેમાં ઝડપથી વધી રહેલું શેરબજાર, પસંદગીની કંપ્નીઓમાં જંગી નફો, પગારમાં જંગી વધારો અને અન્ય કંપ્નીઓમાંથી ટેલેન્ટ ખેંચવા, કરવેરાના કડક નિયમો અને કર નિયમોમાં ફેરફારનો સમાવેશ થાય છે.
ગ્રાન્ટ થોર્ન્ટન ઈન્ડિયાએ કહ્યું ’એઆઈ-આધારિત ટેક સેક્ટર, ગ્રીન એનજીર્, વ્યાવસાયિક સેવાઓ, ઊભરતાં ક્ષેત્રોમાં સ્ટાર્ટઅપ્સમાં અનુભવ અને કૌશલ્યની માંગમાં વધારો થયો છે. તેમણે જણાવ્યું હતું કે શેરબજારની તેજીથી ઘણા વરિષ્ઠ અધિકારીઓને પણ ઘણો ફાયદો થયો છે.
પીડબ્લ્યુસી ઇન્ડિયાના પાર્ટનર રાનેન બેનજીર્એ કહ્યું કે કોવિડ પછી કોર્પોરેટ્સમાં રાજીનામાની લહેરથી વર્ષનાં મધ્યમાં તેમને 20 થી 30% પગાર વધારવાની ફરજ પડી હતી. તે ઘણા પગારદાર આવકવેરાદાતાઓને કરોડનો આંકડો પાર કરવામાં પણ ફાળો આપે છે.’
ઇવાયના વરિષ્ઠ સલાહકાર સુધીર કાપડિયા કહે છે કે કોવિડ દરમિયાન કંપ્નીઓના નફામાં ઉછાળો આવ્યો હતો. શેરધારકોને મળતા ડિવિડન્ડમાં પણ વધારો થયો. 2020-21થી ડિવિડન્ડ ઇન્કમ કરપાત્ર બનતા ઘણા લોકો રૂ. 1 કરોડના ટેક્સ બ્રેકેટમાં આવ્યા.