યુવાન સહિત બેને ગંભીર ઇજા કર્યાની ફરીયાદ

શેઠવડાળાના સમાણા ચેકપોસ્ટ રોડ પર ત્રણ દિવસ પહેલા ડમ્પરે બાઇકને હડફેટે લેતા યુવાન સહિત બે ને શરીરે ગંભીર ઇજા પહોચાડી હતી જેમાં ડમ્પર ચાલક સામે ફરીયાદ કરવામાં આવી છે.
જામજોધપુર તાલુકાના બાવરીદળ ગામમાં રહેતા ગોગન ગોપાલભાઇ ખાંભલા (ઉ.વ.૩૭) એ શેઠવડાળા પોલીસમાં ડમ્પર નં. જીજે૧૦ઝેડ-૮૬૪૯ના ચાલક સામે ફરીયાદ કરી હતી.
ગત તા. ૩૧-૧૨-૨૩ના રોજ સમાણા ચેકપોસ્ટ રોડ પર આરોપીએ પોતાના કબ્જાનું ડમ્પર પુરઝડપે અને બેફીકરાઇથી ચલાવી ફરીયાદીના ડીસ્કવર બાઇક નં. જીજે૧૦બીએન-૨૭૬૭ને પાછળથી હડફેટે લીધુ હતું આ અકસ્માતમાં ફરીયાદી ગોગનભાઇ તથા માનસીબેનને બાઇક સહિત નીચે પછાડી દીધા હતા.
જેમાં ફરીયાદીને ગોઠણના ભાગે ગંભીર ઇજા અને માનસીબેનને માથાના ભાગે ફ્રેકચર તથા હેમરેજ જેવી ઇજા પહોચાડી હતી, ઇજાગ્રસ્તોને સારવારમાં ખસેડવામાં આવ્યા હતા.