જુનાગઢ તાલુકામાં પાદરીયા ગામ પાસે કાર સાથે બાઈક અથડાયા બાદ રસ્તા પર પડી ગયેલ યુવક પર ટ્રક ફરી વળતા ગંભીર ઇજા થવાથી સારવાર દરમિયાન મોત થયાનું બનાવ નોંધાયો છે.
આ અંગે તાલુકા પોલીસ માંથી પ્રાપ્ત વિગત મુજબ જૂનાગઢમાં ખડિયા ગામે રહેતા નરેન્દ્રભાઈ મનસુખભાઈ ચુડાસમા અને ભાવેશભાઈ ચુડાસમા મોટરસાયકલ નંબર જી જે૧૧ એન એન ૯૭૩૧ લઈ ખડીયા ગામ તરફ જતા હતા તે દરમિયાન પાદરીયા ગામ પહેલા વડવાળા હોટલ પાસે રસ્તા પર પહોંચતા આગળ જતી મોટરકાર એ બ્રેક મારતા ભાવેશભાઈ એ પણ પોતાની બાઈકને બ્રેક મારતા કાર સાથે મોટરસાયકલ અથડાઈ હતી. બાઈક કાર સાથે ભટકાવવાના બનાવમાં બાઈક ની પાછળ બેસેલ નરેન્દ્ર ભાઈ રસ્તાની ડાબી બાજુ પડી ગયેલ અને ચાલક ભાવેશભાઈ રસ્તા પર જમણી તરફ પડી જતા પાદરીયા તરફથી આવતા ટ્રક નંબર જી જે૨૩ ડબલ્યુ ૫૬૪૯ ભાવેશભાઈ ઉપર ફરી વળતા ગંભીર ઈજા થવાથી સારવાર દરમિયાન મોત થયા નો બનાવ નોંધાયો છે. આ અંગે નરેન્દ્ર ભાઈ ચુડાસમાએ નાસી ગયેલ ટ્રક ચાલક સામે ફરિયાદ નોંધાવતા પોલીસે ગુનો નોંધી ટ્રક ચાલકને ઝડપી લેવા વધુ તપાસ હાથ ધરી છે.