14 વર્ષના છોકરાનું પીઠના ભાગે ગોળી વાગવાથી મોત થયું છે. મૃતકની ઓળખ સાયરસ કારમેક-બેલ્ટન તરીકે થઈ છે. મામલો અમેરિકાના સાઉથ કેરોલિનાની છે. અહીં એક દુકાનદારને  શંકા હતી કે છોકરાએ તેની દુકાનમાંથી પાણીની ચાર બોટલ ચોરી લીધી છે. પોલીસે જણાવ્યું હતું કે સાયરસે પાણીની બોટલની ચોરી કરી ન હતી પરંતુ તેને સ્ટોરના ફ્રીજમાં પાછી મૂકી હતી. તે સમયે તે દુકાનમાંથી ભાગી રહ્યો હતો, જ્યારે તેની હત્યા કરવામાં આવી હતી.

મિરર યુકેના રિપોર્ટ અનુસાર, પોલીસે કહ્યું, 'તમે કોઈને પાછળથી ગોળી મારી શકતા નથી, જ્યાં સુધી તે તમારા માટે ખતરો ન હોય.' 58 વર્ષીય આરોપી રિક ચાઉની ધરપકડ કરવામાં આવી છે. તેની સામે હત્યાની કલમ હેઠળ કેસ નોંધવામાં આવ્યો છે. તેને કોર્ટમાં પણ રજૂ કરવામાં આવ્યો હતો. મૃતક યુવકના મૃતદેહ પાસેથી એક બંદૂક મળી આવી છે. આ ગુનામાં ચાઈનો પુત્ર પણ સંડોવાયેલો હોવાનો આરોપ છે. તેણે તેના પિતાને કહ્યું હતું કે સાયરસ પાસે હથિયાર છે.પરંતુ એવા કોઈ પુરાવા નથી કે સાયરસે ચાઉ અથવા તેના પુત્ર પર બંદૂક બતાવી હોય.

    આરોપી ચાઉ પાસે હથિયાર રાખવાની પરમીશન છે. મૃતક છોકરાના પોસ્ટમોર્ટમમાં જાણવા મળ્યું કે તેને પીઠ પર ગોળી વાગી હતી. આ પછી ચાઉ સામે કેસ નોંધવામાં આવ્યો હતો. પોલીસ અધિકારી લિયોન લોટે કહ્યું, 'જો તેણે ચાર બોટલ લીધી, જે તેણે ફ્રીજમાંથી કાઢી અને પછી તેને પાછી મૂકી, જો તેણે તેમ કર્યું, તો તે એવું નથી કે તમે કોઈને ગોળી મારશો, એક 14 વર્ષના યુવકને. . આ વિસ્તારમાં ફાયરિંગ બાદ લોકોમાં ભારે રોષ જોવા મળી રહ્યો છે. લોકોએ દુકાનની બહાર પ્રદર્શન પણ કર્યું હતું.