પોરબંદરના સોઢાણા ગામે નદીના કાંઠા પાસે જાળમાં એક મહાકાય અજગર ફસાયો હતો,તેથી નજીકના વાડી માલિકને જાણ થઈ હતી,તેથી તેણે સોઢાણા ગામના સરપંચને જાણ કરી હતી ત્યારબાદ સરપંચ દ્વારા પોરબંદર વન વિભાગને જાણ કરવામાં આવી હતી,તેથી વન વિભાગની ટીમ ત્યાં પહોંચી આ અજગરને કોઇપણ જાતની ઇજા ના થાય તે રીતે ધીમે-ધીમે જાળ કાપીને અજગરને નવું જીવન આપ્યુ હતુ.વન વિભાગની ટીમ દ્વારા આ અજગરનું સફળતાપુર્વક રેસ્ક્યુ કરીને કુદરતના ખોળે છોડી દેવામાં આવ્યો હતો.વન વિભાગની ટીમના જણાવ્યા અનુસાર આ અજગરની લંબાઈ આશરે ૧૨ ફુટ જેટલી હતી અને વજન અંદાજીત ૨૦-૨૫ કિલોની આસપાસ હતો.