મોરબીમાંથી એક ચોંકાવનારી ઘટના સામે આવી છે. જેમાં 9 વર્ષની બાળકીનું ઝેરી દવા પીને મોત થયું છે. જીરામાં છાંટવાની દવાવાળા ગ્લાસમાં પાણી પીતાં આ માસૂમ બાળકીનું મોત નીપજ્યું છે. આ ઘટના બાદ પરિવારમાં શોકનો માહોલ છવાયો છે.

ખેત મજૂરી કરતો પરિવાર આઘાતમાં
પ્રાપ્ત વિગત મુજબ, મોરબી તાલુકાના વાઘપર અને સોખડા ગામની સરહદ પર ખેતરમાં રહેતા અને કામ કરતા એક પરિવારની નવ વર્ષની પુત્રીએ કોઈ કારણોસર ઝેર પી લીધું હતું અને તેને સારવાર માટે મોરબીની સરકારી હોસ્પિટલમાં લાવવામાં આવી હતી. ત્યાં સારવાર દરમિયાન તેમનું મોત થયું હતું, જેથી પોલીસે હોસ્પિટલ મારફતે મોરબી તાલુકા પોલીસને ઘટનાની જાણ કર્યા બાદ ઘટના નોંધીને આગળની કાર્યવાહી હાથ ધરી છે.

સારવાર દરમિયાન મોત થયું 
મોરબી તાલુકાના વાઘપર અને સોખડા ગામની સીમમાં મહેન્દ્રભાઈ જીવાભાઈના ખેતરમાં રહેતા સવાભાઈ પરમારની નવ વર્ષની પુત્રી સેજલ ખેતરમાં હતી. આ સમયે, તેણે જીરું ભેળવેલા ઝેરી દવાથી ભરેલા ગ્લાસમાંથી પાણી પીધું હતું. બાદમાં પરિવારને જાણ થતા તેને સારવાર માટે મોરબી શહેરની સરકારી હોસ્પિટલમાં લાવવામાં આવી હતી. બાળકીને સારવાર માટે ત્યાં દાખલ કરવામાં આવી હતી અને સારવાર દરમિયાન મોત થયું હતું. આથી હોસ્પિટલ દ્વારા મોરબી તાલુકા પોલીસને ઘટનાની જાણ કર્યા બાદ પોલીસે ઘટના નોંધીને આગળની કાર્યવાહી હાથ ધરી છે.