જામનગર જિલ્લાના પોલીસ બેડામાં ફરજ બજાવતા ત્રણ પોલીસ હેડ કોન્સ્ટેબલને જિલ્લા પોલીસ વડા દ્વારા એ.એસ.આઈ. તરીકે પ્રમોશન આપવામાં આવ્યા છે, અને તેઓને હાલના નિમણૂકના સ્થળે ફરજ બજાવવાનો આદેશ કરાયો છે.

જામનગરના મહિલા પોલીસ સ્ટેશનમાં ફરજ બજાવતા હસમુખભાઈ કરસનભાઈ મકવાણા, કે જેઓને પોલીસ હેડ કોન્સ્ટેબલ માંથી એએસઆઈ તરીકેનું પ્રમોશન અપાયું છે, અને તેઓની ફરજ મહિલા પોલીસ મથકમાં જ ચાલુ રખાઇ છે.

તે જ રીતે સીટી સી. ડિવિઝનના પોલીસ હેડ કોન્સ્ટેબલ અનિરુદ્ધસિંહ જાડેજા ને એ.એસ.આઈ. તરીકેનું પ્રમોશન અપાયું છે, જયારે પોલીસ હેડ ક્વાર્ટરમાં ફરજ બજાવતા હરદીપભાઈ ભરતભાઈ ધાંધલ કે જેઓને પણ એએસઆઇ તરીકેનું પ્રમોશન અપાયું છે, અને હાલની જગ્યાએ તેઓને ફરજ બજાવવા હુકમ કરવામાં આવ્યો છે. જેઓને પ્રમોશન મળતાં પોલીસ બેડામાં થી ત્રણેયને અભિનંદનની વર્ષા થઈ રહી છે.