આરોપીની ધરપકડ

જામનગર - રાજકોટ ધોરીમાર્ગે ધુવાવ ગામ પાસે થી પસાર થનાર રિક્ષા માં દારૂ ની હેરાફેરી  થતી હોવા ની  બાતમી નાં આધારે એલસીબી પોલીસે વોચ ગોઠવીને રિક્ષા ને ઝડપી  પાડી હતી અને તેમાંથી ૭૦ નંગ દારૂ ની બોટલ નો જથ્થો મળી આવતા દારૂ કબજે કરી આરોપી ની ધરપકડ કરી હતી.

જામનગર પોલીસની એલસીબી શાખાએ પૂર્વ બાતમી ના આધારે જામનગર નજીકના ધુવાવ ગામ પાસે વોચ ગોઠવી ને રીક્ષા લઈને પસાર થતા કિસાન શૈલેષભાઈ રામાવત ( રે. શંકર ટેકરી રામનગર ) ને આંતર્યો હતો. અને રીક્ષા ની તલાટી લેતા તેમાંથી રૂપિયા ૨૮ હજાર  ની કિંમતની ૭૦ નંગ દારૂની બોટલ નો જથ્થો મળી આવ્યો હતો. આથી પોલીસે દારૂ અને રીક્ષા કબજે કરી આરોપી કિશન રામાવત ની ધરપકડ કરી હતી. દારૂનો આ જથ્થો જામનગરના અપ્પો દરબારે સપ્લાય કર્યો હતો .જ્યારે હાપા ગામ ના પરેશ અરવિંદભાઈ ધોકીયા એ આજે દારૂ  મંગાવ્યો હતો.આથી પોલીસે એ બંને સામે પણ ગુનો નોંધી તેની શોધખોળ  હાથ ધરી છે.