મહારાષ્ટ્રના ભંડારામાં સેનાના હથિયાર બનાવતી ફેક્ટરીમાં વિસ્ફોટ થયો છે. આ અકસ્માતમાં 8 કર્મચારીના મોત થયા છે. વિસ્ફોટનું કારણ હજુ સુધી જાણવા મળ્યું નથી. મળતી માહિતી મુજબ, વિસ્ફોટને કારણે છત તૂટી પડી હતી જેને JCBની મદદથી દૂર કરવામાં આવી રહી છે. તેની નીચે ૧૨ લોકો દટાયા હોવાની શક્યતા છે. 2 લોકોને બહાર કાઢવામાં આવ્યા છે. એમ્બ્યુલન્સ અને ફાયર બ્રિગેડ ફેક્ટરીમાં પહોંચી ગયા છે. 

ઓર્ડનન્સ ફેક્ટરીમાં થયેલા વિસ્ફોટનો અવાજ 4-5 કિલોમીટર દૂર સુધી સંભળાયો હતો. આકાશમાં ઉડતો  ધુમાડો ઘણા કિલોમીટર દૂરથી પણ દેખાતો હતો.

ભંડારાના કલેક્ટર સંજય કોલ્ટેના જણાવ્યા અનુસાર, જવાહર નગર ભંડારામાં ઓર્ડનન્સ ફેક્ટરીમાં વિસ્ફોટ બાદ ફાયર બ્રિગેડ અને એમ્બ્યુલન્સને ઘટનાસ્થળે મોકલવામાં આવી છે. બચાવ કામગીરી ચાલુ છે. ડિફેન્સ પીઆરઓના જણાવ્યા અનુસાર, ફેક્ટરીના એક ભાગની છત તૂટી પડી છે જેને જેસીબીની મદદથી દૂર કરવામાં આવી રહી છે. કુલ ૧૨ લોકો ત્યાં હોવાના અહેવાલ છે, જેમાંથી ૨ લોકોને બચાવી લેવામાં આવ્યા છે.​​​​​​​

RDX બનાવતા વિભાગમાં બ્લાસ્ટ થયો
જવાહર નગર સ્થિત ઓર્ડનન્સ ફેક્ટરીના RKR શાખા વિભાગમાં આ વિસ્ફોટ થયો હતો. RDX અહીં બનાવવામાં આવે છે. આ વિસ્ફોટ આમાં થયો હતો. મૃત્યુઆંક વધવાની આશંકા છે. જે ઇમારતમાં વિસ્ફોટ થયો હતો તે સંપૂર્ણપણે નાશ પામી છે.