જામનગરના સાત રસ્તા સર્કલ વિસ્તારમાં પેસેન્જર ભરવા બાબતે કેટલાક ઇકો કારચાલકો વચ્ચે ઝઘડા થયા હતા, અને ભારે બબાલ સર્જાઇ હતી. જોકે પોલીસ પહોંચે તે પહેલાં ઇકો કારના ચાલકો ત્યાંથી ભાગી છુટ્યા હતા.

જેના પ્રત્યાઘાતો પડ્યા હતા, જામનગરની ટ્રાફિક શાખાની ટીમ સાત રસ્તા સર્કલ, સમર્પણ સર્કલ, માલધારી સુભાષ બ્રીજ વિગેરે જેવા વિસ્તારમાં ઝુંબેશ હાથ ધરી એકી સાથે 40 જેટલી ઇકો કાર ડીટેઇન કરી હતી.

જે તમામ ઇકો કારને પોલીસ હેડ ક્વાટરમાં રાખવામાં આવી છે, અને તમામ સામે દંડકીય કાર્યવાહી કરવામાં આવી રહી છે. ટ્રાફિક શાખાનો આ સપાટો જોઈને અન્ય કેટલાક ઇકોકારના ચાલકો સાત રસ્તા અથવા તો આસપાસના વિસ્તારમાંથી પોતાનું વાહન લઈને ભાગી છુટ્યા હતા, અને એક પણ વાહન દેખાતું ન હતું.