જૂનાગઢમાં પોલીસ ચોકી સામે જ યુવકને લોખંડના પાઈપ વડે માર મારી ઈજાગ્રસ્ત કર્યા અંગે ત્રણ શખસો સામે પોલીસ ફરિયાદ નોંધાતા પોલીસે ગુનો નોંધી વધુ કાર્યવાહી હાથ ધરી છે.આ અંગે બી-ડિવિઝન પોલીસમાંથી પ્રાપ્ત વિગતો મુજબ સકકરબાગના ફોરેસ્ટર તરીકે ફરજ બાવતા સંજય અરજણભાઈ મૂળિયા દોલતપરા પોલીસ ચોકી સામે ઇંડાની દુકાને જમવા ગયેલ ત્યારે છકડો રિક્ષામાંથી શાકભાજી લેવા બાબતે કેતન ખાણિયા, ગોજીયા અને એક અજાણ્યો માણસ ત્રણ શખસોએ બોલાચાલીનો ખાર રાખી લોખંડના પાઈપ અને લાકડાના ધોકાઓ વડે માર મારી ઈજાગ્રસ્ત કર્યા અંગે પોલીસ ફરિયાદ નોંધાવતા પોલીસે તપાસ હાથ ધરી છે.