તમે બધાએ લીંબુ જોયું જ હશે, તે એક ખૂબ જ સામાન્ય લીલું કે પીળું શાકભાજી છે, જે આપણને બજારમાં ખૂબ જ સસ્તા ભાવે મળી શકે છે. પરંતુ શું તમે ક્યારેય વિચાર્યું છે કે સામાન્ય દેખાતા આ લીંબુ ક્યારેક લાખોમાં પણ વેચાઈ શકે છે. ઈંગ્લેન્ડથી એક એવી ઘટના સામે આવી છે.
તાજેતરમાં ઈંગ્લેન્ડમાં એક લીંબુ ૧૭૮૦ ડોલરમાં વેચાયું હતું. ઘટના એવી છે કે ઈંગ્લેન્ડમાં એક જૂના અલમારીના ડ્રોઅરની પાછળ ૨૮૫ વર્ષ જૂનું લીંબુ મળી આવ્યું હતું, જેની હરાજી કરીને ૧૭૮૦ રૂપિયામાં વેચવામાં આવ્યું હતું, જેનાથી તમે સમજી શકો છો કે આ લીંબુ અંદાજે ૧.૫ લાખ રૂપિયામાં વેચાયું હતું. બ્રેટેલ્સ ઓક્શનિયર્સે જણાવ્યું હતું કે એક પરિવાર દ્વારા જૂના કબાટને હરાજી માટે લાવવામાં આવ્યો હતો. તે કબાટ તેના મૃત કાકાનો હતો.
આ અલમારીની હરાજી શરૂ કરવામાં આવી હતી, જે ખૂબ જ સામાન્ય પ્રક્રિયા દ્વારા કરવામાં આવી હતી, ત્યારબાદ એક નિષ્ણાતે આ અલમારીના ફોટોગ્રાફ્સ લેવાનું શરૂ કર્યું હતું. આ દરમિયાન અલમારીના ડ્રોઅરમાં એક લીંબુ જોવા મળ્યું, જેના પર કંઈક લખેલું હતું. જ્યારે આ લીંબુને ધ્યાનથી જોવામાં આવ્યું તો જાણવા મળ્યું કે તેના પર 'Given by P. Lou Franchini to Miss E. Baxter on November 4, 1739' લખેલું હતું.
આ પછી હરાજી ગૃહે આ લીંબુને પણ વેચવાનો નિર્ણય કર્યો. આ લીંબુની વિશેષતા જાણીને લોકોએ તેના માટે ખૂબ જ ઊંચી બોલી લગાવી, ત્યારબાદ આ લીંબુની સૌથી વધુ કિંમત ૧૭૮૦ ડોલર રાખવામાં આવી. હરાજી કરી રહેલા અધિકારીઓને પણ ખ્યાલ નહોતો કે આ લીંબુની આટલી ઊંચી બોલી લાગી શકે છે. તેથી, આ લીંબુની આટલી ઊંચી કિંમત સાંભળીને તેઓ પણ ચોંકી ગયા હતા. જે અલમારીમાં આ લીંબુ મળ્યું હતું તેની બોલી માત્ર ૪૦ ડોલર હતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજગન્નાથ રથયાત્રાના દિવસે બની રહ્યા છે આ દુર્લભ યોગ, જાણો દિવસમાં કેટલો સમય કરી શકાશે પૂજા
July 05, 2024 11:40 PMવરસાદી ઋતુમાં ત્વચાની તમામ સમસ્યાઓ દૂર કરશે આ નાના નાના પાંદડા
July 05, 2024 11:26 PMCopyright © 2023-2024 Aajkaal Daily
Developed by Rhythm Infotech