सोना, चांदी, हेरोइन, गांजा, कोकीन और भी बहुत कुछ की तस्करी कवर कर चुका हूँ, लेकिन #chennaiairport पर #सांप की #smuggling का मामला हैरान करने वाला है।@ChennaiCustoms pic.twitter.com/3yjngji1Wx

— Gautam Kumar Mishra (@gkmishra79) April 29, 2023

મલેશિયાથી  ચેન્નાઈ પહોંચેલી મહિલા મુસાફરની બેગમાંથી વિવિધ પ્રજાતિના 22 સાપ મળી આવ્યા હતા. આ સાપને મહિલાની બેગમાં પ્લાસ્ટિકના અનેક પારદર્શક કન્ટેનરમાં રાખવામાં આવ્યા હતા. સમગ્ર કેસનો વીડિયો સોશિયલ મીડિયા પર વાયરલ થયો છે.

ચેન્નાઈ એરપોર્ટ પરથી વાયરલ થયેલા વીડિયોમાં સીઆઈએસએફના જવાનો મહિલાની બેગમાંથી સાવધાનીપૂર્વક સાપ કાઢતા દેખાય છે. અધિકારીઓએ જણાવ્યું હતું કે મહિલાને કુઆલાલંપુરથી તેના આગમન પર કસ્ટમ વિભાગ દ્વારા તપાસ માટે અટકાવવામાં આવી હતી. અધિકારીઓએ જણાવ્યું હતું કે તેના સામાનમાંથી એક કાચંડો પણ જપ્ત કરવામાં આવ્યો હતો.

ચેન્નાઈ કસ્ટમ્સ અનુસાર, 28 એપ્રિલે ફ્લાઇટ નંબર AK 13 દ્વારા કુઆલાલંપુરથી આવેલી એક મહિલા પેસેન્જરને અટકાવવામાં આવી હતી. તેના સામાનની તપાસ કરતાં બેગમાંથી વિવિધ પ્રજાતિના 22 સાપ અને એક કાચંડો મળી આવ્યો હતો. તેમણે માહિતી આપી હતી કે વાઇલ્ડલાઇફ પ્રોટેક્શન એક્ટ હેઠળ સાપ અને કાચંડો જપ્ત કરવામાં આવ્યો હતો.